Crocodile enter in House : गुजरातमध्ये मागील काही दिवस पावसाची रिपरिप सुरु आहे. अनेक भागांमध्ये पावसामुळे परिस्थिती निर्माण झाली आहे. अशातच एका घरात चक्क मगर शिरल्याचा प्रकार घडला आहे.
व्हिडिओत दिसणारी मगर अतिशय महाकाय आढळून येत आहे. मगरीला पाहून लोक सुद्धा चकित झाले आहेत. तिला पकडण्यासाठी काही नागरिक सापळा रचताना दिसत आहेत. मागील काही दिवस पडत असलेल्या पावसामुळे समुद्रातील पाण्याचा स्तर वाढला आहे. अशामध्ये समुद्रातील जीव पाण्याच्या प्रवाहासोबत बाहेर येवू लागले आहेत. अनेक ठिकाणी पाणी वाढल्याने मगरी थेट मानवी वस्तीत शिरु लागल्या आहेत. हवामान खात्याने पुढील दोन ते तीन दिवस आणखी पाऊस कोसळेल असा अंदाज वर्तवला आहे.
पुराचे पाणी ओसरल्यानंतर वडोदरामधील रस्त्यांवर आणि घरांमध्ये मगरी आढळल्या.वडोदरा येथील मगरींना पकडण्यासाठी वन्यजीव अधिकारी अरविंद पवार यांनी नवभारत टाइम्स ऑनलाइनशी बोलताना सांगितले की, ‘आतापर्यंत पाच मगरींना पकडण्यात आले आहे.’ हेल्पलाइनवर सुमारे 200 कॉल्स आले आहेत.डभोई येथे रस्ता ओलांडण्याच्या प्रयत्नात एका मगरीचा मृत्यू झाला, तर उर्वरित चार जणांना वनविभागाच्या ताब्यात देण्यात आल्याचेही पवार यांनी नमूद केले.
पुराच्या पाण्यासोबत घरात शिरली मगर, नागरिकांची उडली भंबेरी! व्हिडिओ झाला सोशल मीडियावर व्हायरल
अरविंद पवार यांच्या म्हणण्यांनुसार सरपटणाऱ्या प्राण्यांना पाण्यात पकडणे ही मोठी आव्हाने होती, वडोदरामधील विविध सोसायट्यांकडून अनेक दृश्ये आणि अहवाल प्राप्त झाले आहेत, परंतु पाण्यात मगरींना पकडणे सोपे नाही. मगरी पाण्यात लपून बसतात, त्यामुळे बचाव पथकासाठी धोकादायक बनतात. पवार पुढे म्हणाले, “एमएस विद्यापीठातून एका १३ फुटाच्या मगरीची सुटका करण्यात आली.” पाऊस थांबल्याने पाणी तुंबलेल्या घरांमध्ये अडकलेल्या लोकांना काहीसा दिलासा मिळाला, पण मगरींनी त्यांच्या अडचणी वाढवल्या. अधिकाऱ्यांनी लोकांना मगरी दिसण्याची शक्यता असलेल्या भागात जाणे टाळण्याचा सल्ला दिला आहे.