Akola छ अगंणवाडीला वितरित करण्यात येणाऱ्या पौष्टिक शालेय पोषण आहारात आता पाल आढळून आलेली आहे. अनेकदा पोषण आहारात अळ्या, उंदीर, झुरळ अशी मेलेले कीटक आढळून आल्याचे प्रकार उघड झाले आहेत. मात्र तरीही प्रशासनाला किंवा शासनाला याचं गांभीर्य नसल्याचं दिसतंय.
विध्यार्थ्यांना शाळेची गोडी लागावी, त्यांचं आरोग्य सुदृढ व्हावं यासाठी राज्यातील जिल्हा परिषदेच्या प्राथमिक शाळेत पोषण आहार योजनेअंतर्गत पोषण आहाराचे वाटप करण्यात येते. मात्र हाच पोषण आहार आता चिमुकल्या विद्यार्थ्यांसाठी धोकादायक बनला आहे का? असा प्रश्न आता उपस्थित झाला आहे. कारण पुन्हा एकदा पोषण आहारात मृत पाल आढल्याचा धक्कादायक प्रकार समोर आला आहे. यापूर्वीही पोषण आहारात मृत पाल, उंदीर, झुरळ, अळ्या असे कीटक आढळल्याचे प्रकार समोर आले आहेत. मात्र तरीही हे प्रकार थांबता थांबेना अशी परिस्थिती निर्माण झाली आहे. त्यामुळे चिमुकल्या विद्यार्थ्यांच्या जीवाशी खेळ सुरू असल्याचा हे प्रकार कधी थांबतील असा प्रश्न पुन्हा एकदा या घटनेने विचारला जाऊ लागला आहे. अकोला जिल्ह्यातील तेल्हारा तालुक्यातल्या तळेगाव डवला या गावात पोषण आहार बनविण्यासाठी लागणाऱ्या मसाल्यात मृत पाल आढळून आल्याने एकच खळबळ उडाली आहे.
काय घडला प्रकार…
राज्य शासनाकडून जिल्हा परिषद मार्फत शाळेत पोषण आहाराचा पुरवठा केला जातो. अकोला जिल्ह्यातील तेल्हारा तालुक्यातील तळेगाव डवला येथील जिल्हा परिषदेच्या शाळेत पोषण आहार तयार करण्यासाठी लागणाऱ्या मसाल्यात चक्क मेलेली पाल आढळून आली आहे. ही बाब पोषण आहार तयार करीत असताना लक्षात आली. सुदैवाने पोषण आहार तयार करण्यापूर्वीच हा प्रकार घडला. आहार तयार करणाऱ्यांच्या लक्षात आल्याने मोठा अनर्थ टळला आहे. तेल्हारा गटशिक्षण अधिकाऱ्यांनी मसाल्याचं हे पॅकेट सिल केलं आहे. सील केलेले मसाल्याचे पाकीट पुढील तपासणी साठी अन्न व औषध प्रशासनाकडे पाठवण्यात आलं आहे. मात्र या मासल्याच्या पॅकेट मध्ये पाल निघाल्याने मोठी खळबळ उडाली आहे.
जिल्हा परिषदेच्या सर्वसाधारण सभेत गाजला मुद्दा!
जिल्हा परिषदेची सर्वसाधारण सभा (30 ऑगस्ट) रोजी आयोजित करण्यात आली होती. या सभेत जिल्हा परिषद सदस्य राम गव्हाणकर यांनी पोषण आहाराच्या मसाल्यात मृत पाल आढळल्याचा प्रकार सभागृहात उपस्थित केला. तात्काळ शालेय पोषण आहार थांबवण्यात यावा आणि पुरवठादारावर गुन्हा दाखल करण्याची मागणी गव्हाणकरांनी सभागृहात केली. तर या संपूर्ण प्रकरणाची चौकशी सुरू आहे, आणि शालेय पोषण आहाराचा मसाला पूरवठा करणाऱ्या कंत्राटदाराला ब्लॅकलिस्ट करण्यात यावं व त्याच्यावर फैजदारी गुन्हे दाखल करावे अशी मागणी गव्हाणकारांनी केली आहे.
राज्यसरकारचे दुर्लक्ष, चिमुकल्याच्या जीवाशी खेळ; शालेय पोषण आहारात आढळली मेलेली पाल
शिक्षणाधिकारी यांनी काय उचलले पाऊल …
सभागृहात राम गव्हाणकर यांनी मुद्दा मांडताच प्राथमिक शिक्षणाधिकारी यांनीही प्रकरणाचे गांभीर्य घेत, कंत्राटदाराला कारणे दाखवा नोटीस बजावून, संचालकांशी यासंदर्भात पत्र व्यवहार सुरू केले आहे. संचालकांच्या पुढील आदेशानुसार कंत्रादारावर कारवाई होणार आहे. चिमुकल्याच्या जीवाशी खेळ खेळले जाणारे प्रकार अनेकदा समोर आले आहेत, मात्र शासनाकडून यासंदर्भात ठोस कारवाई केली जात नाही, त्यामुळे कंत्राटदार मुजोर होऊन पुन्हा पुन्हा असे प्रकार करतात. यासाठी शासनाने ठोस पाऊल उचलून पाऊल उचलल्यास असे प्रकार थांबू शकतील.