आजचे अंकभविष्य, 18 ऑगस्ट 2024: मूलांक 7 वादविवाद नको, ताण वाढणार !मूलांक 8 प्रत्येक कामात अडचण, सतर्क राहा ! तुमचा मूलांक काय सांगतो? जाणून घ्या

मूलांक 1 साठी आजचा दिवस खूप उत्तम असून अचानक कुठूनतरी पैसे मिळण्याची शक्यता आहे. तुमचा स्वभाव चांगला तसेच बोलण्याच नम्र भाव असल्यामुळे तुमच्या आजूबाजूचे लोक तुमच्यापासून प्रभावित होतील. आज गरजेनुसार खर्च करा अन्यथा पाकिटावर ताण येण्याची शक्यता आहे. मिळकत आणि खर्च यांची सांगड घाला अन्यथा भविष्यात आर्थिक समस्यांना सामोरे जावे लागेल. सरकारी अधिकाऱ्यांशी संबंध निर्माण होतील. पालकांसोबत चांगले संबंध ठेवा.

मूलांक 2 साठी आजचा दिवस ठिक आहे. तुम्ही आज जास्त भावूक होणर आहात कारण तुम्हाला कुटुंबातील प्रत्येक सदस्याकडून प्रेम आणि आपुलकी मिळेल. आईचा आशीर्वाद तुमच्यासाठी शुभलाभ घेऊन येणार आहे. गुंतवणूक करणार असेल तर वेळ उत्तम आहे, भविष्यात चांगला लाभ मिळेल. शंभोशंकराला अभिषेक करा त्यामुळे तुमचा आत्मविश्वास द्विगुणीत होईल.

मूलांक 3 असणाऱ्यांसाठी आजचा दिवस सामान्य असेल. कुटुंबासोबत एखादी तिर्थयात्रा करावी असा विचार तुम्ही नक्की कराल आणि त्यानुसार नियोजन कराल. आर्थिक व्यवहार किंवा कर्ज घेणे-देण आज करु नका. तुमचा सल्ला योग्य आहे त्याचा फायदा इतर लोकांना होतो पण गरज असेल तरच सल्ला द्या. उगाच सल्ला देणे तुम्हाला महाग पडू शकते. भगवान विष्णु आणि माता लक्ष्मीची पूजा तुमच्यासाठी सकारात्मक आणि लाभदायक असेल.

मूलांक 4 असलेल्यांसाठी आजचा दिवस ठिक आहे. तुम्हाला नशिबाची फास साथ मिळणार नाही. आज जे काही काम कराल ते नीट विचार करून करा अन्यथा आर्थिक संकट येण्याची शक्यता दिसते आहे. आईची तब्येत यामुळे तुमचा त्रास वाढणार आहे. आईच्या तब्येतीसाठी तज्ज्ञांचा सल्ला महत्त्वाचा आहे, त्यावर विचार करा. आज बुद्धी तुम्हाला फार साथ देणार नाही त्यामुळे ऑफिसच्या कामात गडबड होण्याची शक्यता आहे. तुमच्या कामात फोकस राहा. तुम्ही राजकारणात असाल तर सतर्क राहा कारण आज कोणीतरी तुमच्या प्रतिष्ठेला मलिन करण्याचा प्रयत्न करेल

मूलांक 5 असणाऱ्या लोकांसाठी दिवस ठिक आहे. तुम्ही आज खूप हुशारीने काम कराल त्यामुळे सगळीकडे तुमच्या कामाचे कौतुक होईल. धनलाभाचा योग आहे, तुम्ही धनप्राप्तीचे मार्ग शोधून प्रयत्न करून पाहा. तुमच्या बुद्धीचातुर्यावर विश्वास ठेवा तुम्हाला लाभ होईल. व्यवसाया वाढीचा विचार थोडा पुढे ढकला सध्या वेळ अनुकूल नाही. तुम्हाला काम करताना अथक मेहनत करावी लागेल.

मूलांक 6 साठी आजचा दिवस फारसा ठिक नाही. जोडीदारासोबत प्रेमाने वागा त्यांना आदर द्या, तुम्हाला फायदा होईल. तब्येतीची काळजी घेणे गरजेचे आहे. छातीत दुखण्याचा त्रास दिवसभर राहणार आहे, त्वरीत डॉक्टरांचा सल्ला घ्या. एका महिलेच्या मदतीमुळे तुमच्यावर आलेले संकट दूर होणार आहे. नवीन कामाची सुरुवात करायची असेल किंवा नवा व्यवसाय सुरु करायचा असेल तर आजचा दिवस उत्तम आहे.

मूलांक 7 साठी आजचा दिवस थोडा त्रासदायक असेल. एखाद्या आर्थिक समस्येमुळे तुम्ही दिवसभर चिंतेत राहू शकता, पत्नीचे बोलणे तुमच्या जिव्हारी लागणार आहे. त्यामुळे दिवसभर तुम्ही अस्वस्थ राहाल. तुम्ही संवाद साधून समस्या सोडवू शकता. घरी आई, बहिणी किंवा पत्नीसोबत भांडण करु नका. वाद वाढला तर विकोपाला जाण्याच शक्यता आहे. घरच्या देवाला तांदुळाच्या खिरीचा नैवेद्य दाखवा.

मूलांक 8 साठी दिवस फारसा चांगला नाही. तुमची निराशा होणार आहे. आज तुम्ही जे काही काम हाती घेणार आहात ते पूर्ण होणार नाही. त्यामुळे तुम्ही स्वतःवर नाराज व्हाल तसेच तुमची निराशा होईल. मानसिक ताणतणाव जाणवेल. तुम्ही विनाकारण काही अडचणीत अडकू शकता. ऑफिसमध्ये तुम्ही जे काही काम केले आहे त्यातील सर्व उणीवा निदर्शनास आणून दिल्या जातील, यामुळे तुम्हाला समस्यांचा सामना करावा लागेल.

मूलांक 9 च्या लोकांसाठी आजचा दिवस सामान्य आहे. रागावर नियंत्रण ठेवा, रागाच्या भरात तुम्ही काही बोलाल आणि मग आयुष्यभर तुम्हालाच त्रास भोगावा लागेल. धनलाभाची शक्यता आहे. पैशांच आवक चांगली असेल. काम घेताना अती घाई करु नका अन्यथा तुमचे पैसे अडकू शकतात. कोणतेही काम करताना किंवा कोणताही निर्णय घेताना भावांकडून सल्ला नक्की घ्या.