पालघर : शिक्षकी पेशाला काळीमा फासणारी एक धक्कादायक घटना नालासोपारा परिसरात घडली आहे. शिक्षकानेच १४ वर्षीय अल्पवयीन विद्यार्थिनीवर लैंगिक अत्याचार केला आहे. या प्रकरणातील नराधम आरोपी शिक्षकाला पोलिसांनी बेड्या ठोकल्या असून अमित दुबे (वय ३०) असे अटक केलेल्या आरोपीचे नाव आहे. या संपूर्ण प्रकाराबाबत जनमानसातून एकच संताप व्यक्त होत आहे.३० वर्षांचा आरोपी अमित दुबे हा नालासोपारा पूर्वेच्या संतोषभुवन येथील एका इंग्रजी माध्यमाच्या शाळेत शिक्षक म्हणून कार्यरत आहे. त्याचप्रमाणे वलईपाडा येथे उज्वल नावाचे खासगी शिकवणी क्लासेस देखील चालवतो. त्याच्या शाळेत शिकणाऱ्या एका १४ वर्षीय अल्पवयीन विद्यार्थिनीला त्याने शिकवणी शिकवण्याच्या बहाण्याने बोलवून तिच्यावर लैंगिक अत्याचार केले आहेत. या घटनेबाबत कुठेही वाच्यता केल्यास परिणाम भोगावे लागतील, अशी धमकी देखील या अल्पवयीन विद्यार्थिनीला या नराधमक आरोपीने दिली. आरोपी मार्च महिन्यापासून ते जुलैपर्यंत तब्बल पाच महिने पीडीतेवर शाळेत व शिकवणीच्या ठिकाणी तिला बोलवून अनेकवेळा तिच्यावर लैंगिक अत्याचार केल्याचा आरोप पीडित विद्यार्थिनीने केला आहे. आपल्यावर सतत होणारे लैंगिक अत्याचार सहन न झाल्याने अखेर पीडितेने तिच्यासोबत घडलेला संपूर्ण प्रकार तिच्या आईला सांगितला. त्यानंतर तिच्या कुटुंबीयांनी पेल्हार पोलीस ठाणे गाठले, पिडीतेने तिच्यासोबत घडलेली आपबीती पोलिसांना सांगितली व आरोपी अमित दुबे याच्या विरोधात तक्रार दाखल केली.
या प्रकरणी आरोपी अमित दुबे यांच्या विरोधात पेल्हार पोलीस ठाण्यात भारतीय न्याय संहिता कलम ६४ (२) (एफ), ६५ (१), पोक्सो ४, ५, ८, १२ कलमांअन्वये गुन्हा दाखल करण्यात आला आहे. विद्यार्थिनीवर अत्याचार करणारा नराधम आरोपी अमित दुबे याला अटक करण्यात आल्याची माहिती, पेल्हार पोलीस ठाण्याचे वरिष्ठ पोलीस निरीक्षक जितेंद्र वनकोटी यांनी दिली आहे.
या प्रकरणी आरोपी अमित दुबे यांच्या विरोधात पेल्हार पोलीस ठाण्यात भारतीय न्याय संहिता कलम ६४ (२) (एफ), ६५ (१), पोक्सो ४, ५, ८, १२ कलमांअन्वये गुन्हा दाखल करण्यात आला आहे. विद्यार्थिनीवर अत्याचार करणारा नराधम आरोपी अमित दुबे याला अटक करण्यात आल्याची माहिती, पेल्हार पोलीस ठाण्याचे वरिष्ठ पोलीस निरीक्षक जितेंद्र वनकोटी यांनी दिली आहे.
पालघरमध्ये हिट अँड रन
दरम्यान, काही दिवसांपूर्वी हिट अँड रन प्रकरण समोर आलं होतं. पुणे पोर्शे प्रकरण, मुंबई वरळी प्रकरणासारख्या भीषण घटनांनंतरही वाहन चालकांच्या वेगावर नियंत्रण आलेलं नाही. पालघरमध्येही अशीच एक घटना घडली आहे. येथे भरधाव स्कॉर्पिओ कारच्या धडकेत दुचाकीस्वार तरुणाचा मृत्यू झाल्याची दुर्दैवी घटना समोर आली आहे. मनोर येथील गणेशघाट परिसरात ही घटना घडली आहे.