सिंधुदुर्ग : सावंतवाडीत पती-पत्नीच्या वादात पतीने तिन्ही मुलांच्या अंगावर पेट्रोल ओतले असल्याचा धक्कादायक प्रकार समोर आला आहे. या घटनेत एका चार वर्षाच्या मुलाच्या नाका-तोंडात पेट्रोल गेल्याने त्याला रुग्णालयात दाखल करण्यात आलं आहे. या प्रकरणी हुसेन गडीयाली याच्याविरुद्ध गुन्हा दाखल करून अटक करण्यात आली आहे.सावंतवाडी शहरात तीन मुलांसह स्वतःच्या अंगावर पेट्रोल ओतून घेण्याचा प्रयत्न एका व्यापाऱ्याने केला. त्यातील एका चार वर्षीय मुलाच्या नाका तोंडात पेट्रोल गेल्याने त्याला तातडीने रुग्णालयात दाखल करण्यात आले. हा प्रकार मंगळवारी रात्री १० वाजण्याच्या सुमारास सावंतवाडी बाजारपेठेतील वसंत प्लाझा कॉम्प्लेक्समधील कापड दुकानात घडला. या प्रकरणी पोलिसांनी हुसेन गडीयाली याच्याविरुद्ध गुन्हा दाखल करून अटक केली. पती-पत्नीच्या वादातून हा प्रकार घडल्याचे पोलिसांच्या चौकशीत उघड झाले.
हुसेन गडीयाली याचे बाजारपेठेतील वसंत प्लाझा कॉम्प्लेक्स येथे कपड्यांचे दुकान आहे. पती आणि पत्नी यांचे घटस्फोट प्रकरण न्यायप्रविष्ठ आहे. पत्नी आपल्या तिन्ही मुलांना घेऊन दुकानात आली. रात्री हुसेन गडीयाली हे दुकान बंद करत असताना पत्नी ”आपण घरी जाणार नाही. मी दुकानातच राहणार आहे”, असे ठामपणे सांगत राहिली. या कारणावरून दोघांमध्ये वाद सुरू झाला. ”तू दुकानातून घरी जा. तू घरी गेली नाहीस, तर तुला आणि मुलांना मारून टाकीन आणि स्वतःला संपवून घेईन”, अशी धमकी पतीने दिली. यावेळी हुसेन गडीयाली यांनी रागाच्या भरात पेट्रोल पंपावर जाऊन बाटलीतून आणलेले पेट्रोल आपल्यासह तिन्ही मुलांच्या अंगावर ओतले. त्यात एका चार वर्षाच्या मुलाच्या नाक व तोंडात पेट्रोल गेले.
हुसेन गडीयाली याचे बाजारपेठेतील वसंत प्लाझा कॉम्प्लेक्स येथे कपड्यांचे दुकान आहे. पती आणि पत्नी यांचे घटस्फोट प्रकरण न्यायप्रविष्ठ आहे. पत्नी आपल्या तिन्ही मुलांना घेऊन दुकानात आली. रात्री हुसेन गडीयाली हे दुकान बंद करत असताना पत्नी ”आपण घरी जाणार नाही. मी दुकानातच राहणार आहे”, असे ठामपणे सांगत राहिली. या कारणावरून दोघांमध्ये वाद सुरू झाला. ”तू दुकानातून घरी जा. तू घरी गेली नाहीस, तर तुला आणि मुलांना मारून टाकीन आणि स्वतःला संपवून घेईन”, अशी धमकी पतीने दिली. यावेळी हुसेन गडीयाली यांनी रागाच्या भरात पेट्रोल पंपावर जाऊन बाटलीतून आणलेले पेट्रोल आपल्यासह तिन्ही मुलांच्या अंगावर ओतले. त्यात एका चार वर्षाच्या मुलाच्या नाक व तोंडात पेट्रोल गेले.
पोलिसांनी घटनास्थळी धाव घेत हुसेन याला ताब्यात घेतले. त्यानंतर घाबरलेल्या चार वर्षीय मुलाला रुग्णालयात दाखल करण्यात आले. डॉक्टरांनी तात्काळ प्राथमिक उपचार केले. त्यामुळे त्याच्या तब्येतीत सुधारणा झाली. या प्रकरणी पत्नीने पोलीस ठाण्यात दिलेल्या फिर्यादीवरून मुलांसह स्वतःच्या अंगावर पेट्रोल ओतून जीवे ठार मारण्याचा प्रयत्न केल्याप्रकरणी पती हुसेन याच्याविरुद्ध गुन्हा दाखल करून अटक करण्यात आली.