Goregaon Hit And Run Case : वरळीनंतर गोरेगावातील आरे कॉलनीमध्ये असाच एक अपघात घडला आहे. एका अल्पवयीन मुलाने भरधाव वेगाने एका दुचाकीस्वाराला धडक दिली आहे.
महाराष्ट्र टाइम्स.कॉमगोरेगाव एसयूव्ही कारने दुचाकीला धडक दिलीमुंबई : आरे कॉलनी परिसरात एका चारचाकी एसयूव्ही कारच्या जोरदार धडकेत दुचाकीस्वारचा मृत्यू झाला आहे. मुंबईत एक महिन्यापूर्वीच वरळी हिट एंड रन केस प्रकरण गाजलेले असताना. आता मुंबईत दुसरी अशी हिट एंड रनची केस घडली आहे. गोरेगावातील आरे कॉलनी परिसरात भरधाव वेगाने जाणाऱ्या एसयूव्ही चारचाकीने दुचाकीस्वाराला धडक दिली. अपघात इतका विचित्र होता की दुचाकीस्वार जोरात आदळला गेला. अपघाताची माहिती मिळताच पोलीसांनी घटनास्थळी धाव घेतली.
एसयूव्ही चालवत असलेला चालक अल्पवयीन मुलगा असल्याची माहिती मिळत आहे. कारचालकाने दिलेली धडक अतिशय वेगाने देण्यात आली होती. दुचाकीस्वाराला जागीच गंभीर दुखापत झाली. पोलीसांनी जखमीला रुग्णालयात दाखल केले परंतु रुग्णालयात डॉक्टरांनी तपासानंतरच दुचाकीस्वार मृत्यू झाल्याची घोषणा केली. अद्याप चालक कोण आहे याबाबत जास्त माहिती उपलब्ध झाली नाही आहे. पोलीसांकडून घटनेचा अधिक तपास सुरु आहे.
लेखकाबद्दलप्रतीक्षा बनसोडेपत्रकारिता क्षेत्रातील पाच वर्षाचा अनुभव आहे. महाराष्ट्र टाइम्स ऑनलाईनमध्ये सध्या डिजिटल कंटेंट प्रोड्युसर म्हणून कार्यरत आहेत. याआधी डीडी नॅशनल, लोकशाही वृत्तवाहिनीमध्ये रिपोर्टर म्हणून काम केले आहे. झी २४ तासमध्ये डिजीटल टीममध्ये काम केलं आहे. राजकीय आणि सामजिक बातम्या लिहिण्याची आवड आहे…. आणखी वाचा