Vasant Chavan: खासदार वसंत चव्हाण यांच्या पार्थिवावर आज नायगाव येथे शासकीय इतमामात होणार अंत्यसंस्कार
खासदार वसंत चव्हाण यांचे आज हैदराबाद येथील किम्स हॉस्पिटलमध्ये उपचारादरम्यान सोमवारी निधन झाले. गेल्या दोन आठवड्यांपासून त्यांच्यावर उपचार सुरु होते. त्यांच्या निधनाने सर्वांनाच धक्का बसला आहे. दरम्यान त्यांचे पार्थिव सोमवारी सायंकाळी नायगाव येथे आणले आहे. आज मंगळवारी सकाळी ११ वाजता नायगाव शहरातील हनुमान मंदिरच्या बाजूला त्यांच्यावर शासकीय इतमामात अंत्यसंस्कार होणार आहेत.