Chandrapur News: दूषित पाण्याचा दुसरा बळी, युवकाचा मृत्यू
चंद्रपूर जिल्ह्यातील पोंभूर्णा तालुक्यातील गंगापूर गावात ताप, सर्दी, अतिसाराची साथ पसरल्याने एका महिलेचा मृत्यू झाला होता. प्रशासनाने गावातील साथ आटोक्यात आल्याचे सांगितले होते. मात्र काल अतिसार व पोटदुखीने युवकाचा मृत्यू झाल्याची घटना जिल्ह्यातील पोंभूर्णा तालुक्यातील गंगापूर गावात घडली आहे. सुरज काशीनाथ मंढरे (२१) असे मृतकाचे नाव आहे. अतिसारानेच मुलाचा मृत्यू झाला असा आरोप कुटुंबीयांनी केला आहे.