Buldhana News: सोयाबीन व कपाशीला दर मिळेना, मूगामुळेही बळीराजाचा हिरमोड
यंदा सोयाबीन व कपाशीचे दरघसरले आहे. त्यातच आता मुगाच्या दरात देखील घट झाल्याने शेतकऱ्यांना नुकसानीचा सामना करावा लागत आहे. काही दिवसात शेतकऱ्यांचा शेतमाल बाजारात दाखल होणार आहे. दरवर्षी शेतमाल बाजारात येण्याची वेळी दर पडतात. यावेळी मात्र शेतकऱ्यांचा शेतमाल बाजारात येण्यापूर्वी दर कोसळले आहेत. सोयाबीनला सध्या खामगाव कृषी उत्पन्न बाजार समितीत कमाल 4350 रुपये प्रति क्विंटल दर मिळत आहे. सरासरी दर 4277 रुपये आहे तसेच मुगाचे दर ही कोसळले असून 7125 रुपये दर मिळत आहे. अन्य शेतमालाही यावर्षी कमी भाव मिळत आहे.