ठाणे: कल्याण रेल्वे स्टेशनवरील तिकीट काउंटरवर राड्याचा व्हिडिओ व्हायरल होत आहे. तिकीट काढताना सुट्टे पैसे नसल्याने झालेल्या वादात महिला प्रवाशांनी व्हिडिओ काढला म्हणून तिकीट काउंटरच्या महिला स्टाफने केली महिलेला मारहाण केली आहे. कल्याण रेल्वे स्टेशनच्या सात नंबर प्लॅटफॉर्मवरील स्कायवॉकवर असलेल्या तिकीट काउंटरवर ही घटना घडली आहे. तब्बल अर्धा तासाच्या गोंधळानंतर रेल्वे पोलिसांच्या मदतीने प्रवासी आणि तिकीट काउंटरवरील स्टाफचा वाद मिटला. मात्र या घटनेने काही वेळ गोंधळ निर्माण झाला होता.
मिळालेल्या माहितीनुसार, आज सकाळी कल्याण स्टेशनवर हा प्रकार घडला. स्टेशनच्या सात नंबर प्लॅटफॉर्मवरील स्कायवॉकवर जे तिकीट काऊंटर आहे. तेथे हा वाद आणि मारामारी घडली. पीडित महिला तिकीटाच्या लाईनीमध्ये उभी होती. सुट्ट्या पैशांच्या मुद्यावरून तिचे तिकीट काऊंटरवरील स्टाफशी भांडण झाले. बघता बघता त्याचा वाद वाढला. त्यावेळी त्या प्रवासी महिलेने स्टाफचा व्हिडीओ काढण्यास सुरूवात केली. त्यामुळे ती आणखीनच भडकली. तिने त्या महिलेला आत ऑफीसमध्ये बोलावले आणि तिला चक्क मारहाण केली. तिला कानाखाली मारली.ते पाहून इतर प्रवाशांनी मध्यस्थी आणि आरडाओरडा करत त्या महिलेला वाचवण्याचा प्रयत्न केला. मात्र तरीही स्टाफमधील त्या महिला कर्मचाऱ्याने मारहाण सुरूच ठेवली. यामध्ये ती महिला प्रवासी गंभीर जखमी झाली. तसेच तिला मोठा मानसिक धक्काही बसला. अखेर इतर प्रवाशांनी स्टाफच्या हातातून कशीबशी त्या महिलेची सुटका केली. तेवढ्यात तेथे रेल्वे पोलीस अधिकारी आले आणि त्यांनी प्रकरण समजून घेत मध्यस्थी केली आहे.
मिळालेल्या माहितीनुसार, आज सकाळी कल्याण स्टेशनवर हा प्रकार घडला. स्टेशनच्या सात नंबर प्लॅटफॉर्मवरील स्कायवॉकवर जे तिकीट काऊंटर आहे. तेथे हा वाद आणि मारामारी घडली. पीडित महिला तिकीटाच्या लाईनीमध्ये उभी होती. सुट्ट्या पैशांच्या मुद्यावरून तिचे तिकीट काऊंटरवरील स्टाफशी भांडण झाले. बघता बघता त्याचा वाद वाढला. त्यावेळी त्या प्रवासी महिलेने स्टाफचा व्हिडीओ काढण्यास सुरूवात केली. त्यामुळे ती आणखीनच भडकली. तिने त्या महिलेला आत ऑफीसमध्ये बोलावले आणि तिला चक्क मारहाण केली. तिला कानाखाली मारली.ते पाहून इतर प्रवाशांनी मध्यस्थी आणि आरडाओरडा करत त्या महिलेला वाचवण्याचा प्रयत्न केला. मात्र तरीही स्टाफमधील त्या महिला कर्मचाऱ्याने मारहाण सुरूच ठेवली. यामध्ये ती महिला प्रवासी गंभीर जखमी झाली. तसेच तिला मोठा मानसिक धक्काही बसला. अखेर इतर प्रवाशांनी स्टाफच्या हातातून कशीबशी त्या महिलेची सुटका केली. तेवढ्यात तेथे रेल्वे पोलीस अधिकारी आले आणि त्यांनी प्रकरण समजून घेत मध्यस्थी केली आहे.
तब्बल अर्ध्या तासाच्या गोंधळानंतर रेल्वे पोलिसांच्या मदतीने प्रवासी आणि तिकीट काउंटरवरील स्टाफचा वाद मिटला. मात्र प्रवाशांना नेहमीच रेल्वे स्टाफकडून अशी वाईट वागणूक मिळते, असा आरोप प्रवाशांकडून करण्यात येत आहे. रेल्वे स्टाफला वेळीच समज द्यावी अन्यथा एखाद दिवस प्रवाशांच्या संतापाचा कडेलोट होईल आणि परिस्थिती हाताबाहेर जाऊन चिघळेल, असा इशारा उद्विग्न प्रवाशांनी दिला आहे.