Haritalika Money Upay: भाद्रपद शुक्ल पक्षातील तृतीयेला हरितालिकेचे पूजन करण्याची परंपरा आहे. महिलांमध्ये हे व्रत प्रसिद्ध असून अगदी लहान मुलीसुद्धा हे व्रत करतात. शुक्रवारी ६ सप्टेंबर रोजी हरितालिका असून या शुभ दिनी, काही खास उपाय केले तर माता लक्ष्मीची कृपा सदैव तुमच्यावर आणि तुमच्या कुटुंबावर राहते. ते उपाय कोणते जाणून घेऊया.
अखंड सौभाग्य मिळवण्यासाठी हरितालिका व्रत करतात. सुवासिनी महिला पतीच्या दीर्घायुष्यासाठी शिव-पार्वतीची प्रार्थना करतात. धनप्राप्ती आणि घरातील आर्थिक स्थिती उत्तम रहावी म्हणून या दिवशी माता लक्ष्मीची खास आराधना केली जाते. माता लक्ष्मीची कृपा तुमच्यावर कायम राहण्यासाठी अगदी सोपे उपाय तुम्ही करू शकता. कोणते आहेत ते उपाय जाणून घेऊया.
माता लक्ष्मीसाठी ११ तुपाचे दिवे
हरितालिकेची पूजा करताना संध्याकाळी लक्ष्मी मातेसमोर ११ तुपाचे दिवे लावा. त्यानंतर लक्ष्मी चालीसाचे पठण करून हे सर्व दिवे मुख्य दरवाज्याच्या आजूबाजूला ठेवा.
प्रज्वलीत कापूर घरात फिरणे
देवी लक्ष्मीची कृपा प्राप्त करण्यासाठी तुम्ही कापूर प्रज्वलीत करून तो घरभर फिरवायला हवा. कापूराच्या सुगंधामुळे घरात सकारात्मक ऊर्जा कायम राहते. खरंतर दररोज संध्याकाळी कापूराचा धुर घरात करायला हवा त्यामुळे घराचे निर्जंतुकीकरण देखील होते.
भगवान विष्णु व माता लक्ष्मीला दुधाचा अभिषेक
माता लक्ष्मीचा आशिर्वाद हवा असेल तर भगवान विष्णु यांची मनोभावे पूजा करायला हवी. हरितालिकेच्या दिवशी भगवान विष्णु आणि लक्ष्मी यांना केशर मिश्रीत दुधाने अभिषेक करा, विष्णुसहस्त्र नाम स्तोत्र वाचावे यामुळे माता लक्ष्मी आणि भगवान विष्णु यांची कृपादृष्टी सदैव तुमच्यावर कायम राहते.
माता लक्ष्मीला अर्पण करा या वस्तू
माता लक्ष्मीची विशेष कृपा प्राप्त करण्यासाठी तुम्ही शंख, कवडी, मखाणे, मोती अशा पांढऱ्या रंगाच्या वस्तू अर्पण करु शकता. असे म्हणतात की, माता लक्ष्मीच्या आवडीच्या वस्तू तिला अर्पण केल्या तर आपली इच्छा पूर्ण होते.
मुख्य दरवाज्या समोर गुलाल शिंपडून दिवा लावा
घराच्या मुख्य दरवाज्या समोर लाल किंवा गुलाबी रंगाचा गुलाल शिंपडून दोन दिवे लावावेत. माता लक्ष्मीची ध्यानधारणा करावी. जेव्हा हे दिवे विझतील तेव्हा माता लक्ष्मीचे नामस्मरण करून ते दिवे पाण्यात प्रवाहित करावेत. यामुळे घरातील आर्थिक चणचण दूर होते तसेच माता लक्ष्मीची कृपादृष्टी कायम राहते.
मुंगी, प्राणी-पक्षी यांना खायला देणे
हरितालिकेच्या दिवशी प्राणी आणि पक्ष्यांना खायला देणे शुभ मानले जाते. त्यामुळे घरातील आर्थिक समस्या दूर होतात. जर तुमच्या घरात काळ्या मुंग्या आल्या असतील तर त्यांच्या जवळ साखर ठेवावी.