Chandrapur News: सकाळी ९ वाजेच्या सुमारास आमदार बंटी भांगडिया, माजी आमदार मितेश भांगडिया हे याठिकाणी कार्यकर्त्यांसह आले. तर जिल्हा परिषदचे माजी सदस्य गजानन बुटके हेही आपल्या काँग्रेस बुथजवळ पोहोचले.
हायलाइट्स:
भाजप आणि काँग्रेस कार्यकर्ते आपसात भिडले
पोलिसांचा हस्तक्षेप, तणाव वेळीच निवळला
चंद्रपूरमधील धक्कादायक प्रकार
Lipi चंद्रपूर चिमूर काँग्रेस भाजप कार्यकर्ते हाणामारी
निलेश झाडे, चंद्रपूर : राज्यात विधानसभा निवडणुकीसाठी आज संपूर्ण राज्यात मतदानाची प्रक्रिया राबवण्यात येत आहे. ठिकठिकाणी शांततेत मतदान होताना दिसत आहे. पण काही ठिकाणी पक्षांच्या कार्यकर्त्यांमध्ये राडा देखील होत असल्याचं चित्र समोर येत आहे. असाच एक धक्कादायक प्रकार चंद्रपूर जिल्ह्यातून समोर आला आहे. जिल्ह्यातील चिमूर शहरात आज भाजप काँग्रेस समोरासमोर उभे ठाकले आहेत. यामुळे काही काळ तिथे तणावाची परिस्थिती निर्माण झाली होती. जिल्हा परिषद कन्याशाळा येथे आझाद वार्ड, नेहरू वार्डचे बुथ आहेत. मतदारांना मदत करण्याकरिता येथे काँग्रेस आणि भाजप कार्यकर्ते लिस्ट घेऊन उभे आहेत. सकाळी ९ वाजेच्या सुमारास आमदार बंटी भांगडिया, माजी आमदार मितेश भांगडिया हे याठिकाणी कार्यकर्त्यांसह आले. तर जिल्हा परिषदचे माजी सदस्य गजानन बुटके हेही आपल्या काँग्रेस बुथजवळ पोहोचले. त्यांच्यासोबत बाऊन्सर होते. आमदार भांगडिया यांनी आक्षेप घेत बॉऊन्सरना जाण्यास सांगितलं. यामुळे केंद्राबाहेर बाचाबाची सुरू झाली. यानंतर घोषणा सुद्धा देण्यात आल्या. यामुळे तणावाची स्थिती निर्माण झाली. मात्र, पोलिसांनी वेळीच हस्तक्षेप करून तणाव शांत केला. हे सर्व मतदान केंद्राच्या शंभर मीटर परिसरात घडले आहे. राज्यातील सर्वात श्रीमंत आणि गरीब उमेदवार कोण? एकाच मतदारसंघातून रिंगणात, किती आहे उत्पन्न?
मिळालेल्या माहितीनुसार, राजुरा विधानसभा मतदार संघातील गडचांदूर येथे फ्लाईंग सर्वेलन्स टीमने (FST) कारवाई करून ६० लाख रुपयांची रक्कम आणि इतर प्रचार साहित्य जप्त केले आहेत. निवडणूक विभागाच्या मार्गदर्शक सूचनेनुसार पुढील कारवाई सुरू आहे.
”काही लोक अपक्षांच्या मागे गाड्या घेऊन खुलेपणाने फिरत आहेत. तुम्ही अपक्षांच्या पाठीमागे राहिला, तरी शेवटी समाजाची खासदार म्हणून मी पाच वर्षे राहणार आहे. माझा विरोध करणाऱ्या प्रत्येकाचा लेखाजोखा या काळात घेणार”, असा धमकीवजा इशारा काँग्रेसच्या खासदार प्रतिभा धानोरकर यांनी दिला आहे. त्यांच्या या वक्तव्यावरून कुणबी समाजातून संताप व्यक्त होऊ लागला आहे. विशेष म्हणजे, खासदार धानोरकर या कुणबी समाजाच्या मतांच्या बळावर लोकसभा निवडणुकीत विजयी झाल्या होत्या.
लेखकाबद्दलप्रशांत पाटीलप्रशांत पाटील यांना डिजिटल पत्रकारिता क्षेत्रात ३ वर्षांचा अनुभव आहे. ते ‘महाराष्ट्र टाइम्स ऑनलाइन’मध्ये कंटेंट प्रोड्यूसर म्हणून कार्यरत आहेत. याआधी थोडक्यात, आधान न्यूज वेबपोर्टलमध्ये डेस्कवर काम केलंय. महाराष्ट्रातील घडामोडी बघतात…. आणखी वाचा