Sharad Pawar Baramati: पत्रकारांनी त्यांना अजित पवार यांच्या सांगता सभेचा संदर्भ सांगत या सभेमध्ये आशाताई पवार यांनी लिहिलेले एक पत्र वाचून दाखवण्यात आले होते. त्यामध्ये अजित पवार यांच्यावर मोठा अन्याय झाला असा उल्लेख करण्यात आला होता.
हायलाइट्स:
- अजित पवारांवर कसला अन्याय? चारवेळा उपमुख्यमंत्री पद
- अनेक वर्ष मंत्रीपद, सगळी सत्ता त्यांच्याकडे आणि अन्याय झाला म्हणता?
- शरद पवार पत्रकारांशी संवाद साधताना काय म्हणाले?
शरद पवारांनी राज्यात परिवर्तन होऊन महाविकास आघाडीचे सरकार येईल असा विश्वास व्यक्त केला. हे सरकार बहुमताचे असेल. मी काय ज्योतिषी नाही. जागा निश्चित सांगणार नाही. परंतु राज्यात बहुमताचे सरकार येईल. असा विश्वास त्यांनी यावेळी व्यक्त केला.
काटेवाडीमध्ये अजित पवार यांनी महायुतीचे सरकार राज्यात येणार असून, १७५ जागा मिळतील असा दावा केला होता. त्यावर शरद पवार यांनी महाविकास आघाडीचे सरकार येईल. ते बहुमताचे सरकार असेल. नेमक्या जागा किती हे सांगायला मी ज्योतिषी नाही. परंतु अजित पवार यांच्या संख्येचा संदर्भ लक्षात घेत म्हणजे त्यांनी फक्त १७५ सांगितल्या २८० जागा सांगायला पाहिजे होत्या. असेही पवार यावेळी म्हणाले.
दरम्यान, बिटकॉइन घोटाळ्यातील ऑडिओ क्लिप नुकतीच भाजपने व्हायरल केली आहे. या प्रकरणाची निपक्ष चौकशी होणे गरजेचे आहे. मात्र मी नाना पटोले आणि सुप्रिया सुळे यांचा आवाज चांगला ओळखतो. त्यामुळे ते आवाज त्या दोघांचेच आहेत. चौकशीनंतरच यामागील गुपित काय आहे ते बाहेर येईल असेही यावेळी उपमुख्यमंत्री अजित पवार म्हणाले. काटेवाडी येथे बुधवारी (ता. २०) सकाळी सातच्या दरम्यान उपमुख्यमंत्री अजित पवार, राज्यसभा खासदार सुनेत्रा पवार, जय पवार यांनी विधानसभेसाठी मतदान केले. यावेळी उपमुख्यमंत्री पवार यांनी माध्यमांशी संवाद साधला.