विधानसभा निवडणुकीचा निकाल नुकताच लागला. या निवडणुकीत महायुतीनं दणदणीत विजय मिळवला, तर महाविकास आघाडीची धुळधाण उडाली. निवडणुकीचे निकाल समोर येताच राज्यात EVM चा मुद्दा पुन्हा चर्चेत आलाय. एकीकडे महाविकास आघाडीचे सर्वच नेते EVM मशीनवर आक्षेप घेत असताना माळशिरस तालुक्यातील मारकडवाडी गावानं आता थेट बॅलेट पेपरवर मतदान घेण्याचा निर्णय घेतल्यानं खळबळ उडालीये. माळशिरस तालुक्यातील या गावात आजवर राष्ट्रवादी काँग्रेस शरद पवार गटाचे उत्तम जानकर यांना मोठं मताधिक्य मिळत आलंय. मात्र यावेळी त्यांच्या विरोधातील भाजप उमेदवार राम सातपुते यांना मताधिक्य मिळालंय. त्यामुळं गावातील जानकर गटानं स्वखर्चानं गावात बॅलेट पेपरवर मतदान घेण्याचा निर्णय घेतलाय. या गावानं माळशिरस तहसीलदारांना निवेदन देत शासकीय कर्मचारी देण्याबाबत पत्रही दिलंय. मारकडवाडीत नेमकं काय घडतंय? तुम्हीच पाहा…