मुंबई-बेंगळुरू बायपास हायवेवरील वारजे ओव्हर ब्रिजवर झालेल्या अपघातामुळे मोठ्या प्रमाणात वाहतूक कोंडी झालीय. रविवारी सकाळी भारत पेट्रोलियम समोर इंडियन ऑइलचा एक पेट्रोल टँकर पलटी झाला, सुदैवाने टँकर रिकामा असल्याने आग लागण्याचा धोका टळलाय. मात्र या मार्गावरील वाहतूक ठप्प झाली आहे. या अपघातात टँकरचा मागील भाग रस्त्यावर अडथळा निर्माण करत होता, तर ड्रायव्हर केबिनसह पुढचा भाग पुण्याकडून मुंबईकडे जाणाऱ्या ट्रॅकवर घुसला आणि पलीकडच्या बाजूला धडकला. सुदैवाने समोरच्या बाजूने येणारे कोणतेही वाहन त्यावेळी नसल्याने मोठी दुर्घटना टळली. पलीकडच्या ट्रॅकवरही कोणतीही जीवितहानी झाली नाही.