Maharashtra Election 2024: विधानसभा निवडणुकीत भाजपकडून रडीचा डाव खेळला जात असल्याचे खासदार सुप्रिया सुळे यांनी सांगितले. राज्यात १६३ जागांवर पिपाणी चिन्हावर अपक्ष उमेदवार उभे केल्याचा आरोप त्यांनी केला.
शरद पवार हे राजकारणातले भीष्म पिता आहेत हे देवेंद्र फडणवीसांनी मान्य केले ना, त्यांच्यावर टीका केल्याशिवाय बातमी होत नाही. त्यामुळे फडणवीस यांना तो अधिकार तर बनतोय . देवेंद्रजींना शरद पवार यांच्या शिवाय दुसरे काहीच दिसत नाही. शरद पवार यांच्यावर आरोप करून महागाईचा प्रश्न सुटणार आहे का? असा सवाल करत सुप्रिया सुळे यांनी त्यांच्याकडे मूलभूत प्रश्न नाहीत, त्याच्यामुळे देवेंद्र फडणवीस काही बोलत असतात असे म्हटले आहे.
गौतम अदानी त्या मिटींगला होते की नाही याबाबत मला काहीच माहिती नाही. ते स्वतः अजित पवारच एकदा हो म्हणता एकदा नाही म्हणत आहेत. यामुळे आता याबाबत तुम्ही अजित पवार यांनाच विचारा, असे सुप्रिया सुळे म्हणाल्या. परिवार वादावर मला बोलायला लावू नका, असे सांगत देवेंद्र फडणवीस आणि भारतीय जनता पक्षांमध्ये जास्त परिवार वाद भरलाचे सुप्रिया सुळे म्हणाल्या. प्रमोद महाजन आणि गोपीनाथ मुंडे यांच्या मुली यांना का बाजूला केले? त्यांना कुठले पद मंत्रिपद का दिले नाही. भारतीय जनता पर पार्टीमध्ये युज अँड थ्रो केले जात असल्याची टीका त्यांनी यावेळी केली.
राज ठाकरे यांनी शरद पवारांवर केलेल्या आरोपांवर बोलताना सुप्रिया सुळे यांनी लोकशाही आहे आणि प्रत्येकाला आपआपली मते मांडण्याचा अधिकार असल्याची प्रतिक्रिया दिली.