Divyang Divas :बाटलीची नशा अनेकांचे आयुष्य उध्वस्त करते. मात्र फैजपूरच्या मुन्ना उर्फ योगेश गणेश चौधरी हा बाटलीच्या नादाला लागला तो वेगळ्याच अर्थाने कारण, दोन्ही पायांनी दिव्यांग असलेल्या योगेशच्या काचेच्या बाटलीतील हस्तकलेने अनेकांना वेड लावले. कारण योगेशची हस्तकला ही जगावेगळी होती. काचेच्या बाटलीमध्ये खाट विणणे, मंदिर, खुर्ची तयार करणे व आता तर त्याचा बाटलीमध्ये बैलगाडी तयार करण्याचा प्रयोग सुरू आहे.
बाटलीची नशा अनेकांचे आयुष्य उध्वस्त करते. मात्र फैजपूरच्या मुन्ना उर्फ योगेश गणेश चौधरी हा बाटलीच्या नादाला लागला तो वेगळ्याच अर्थाने कारण, दोन्ही पायांनी दिव्यांग असलेल्या योगेशच्या काचेच्या बाटलीतील हस्तकलेने अनेकांना वेड लावले. कारण योगेशची हस्तकला ही जगावेगळी होती. काचेच्या बाटलीमध्ये खाट विणणे, मंदिर, खुर्ची तयार करणे व आता तर त्याचा बाटलीमध्ये बैलगाडी तयार करण्याचा प्रयोग सुरू आहे. योगेश याला पोलिओच्या आजाराने दोन्ही पायांनी दिव्यांग केले. 90% दिव्यांग असलेला योगेश गेल्या 1995 पासून २५/२७ वर्षांपासून ही कला जोपासत असून त्याने आतापर्यंत आपल्या हस्तकलेच्या माध्यमातून काचेच्या बाटलीमध्ये विणकाम केलेली खाट तयार करणे, लाकडी खुर्ची बनवणे, मंदिर तयार करणे असे अनेक प्रयोग केले आहेत. अनेकप्रसंगी तो या हस्तकलेच्या सुंदर बाटल्यांची भेट देऊन लोकांची मने जिंकत असतो. व त्याच्या या हस्तकलेची शासन स्तरावर सुद्धा दखल घेतली गेली आहे.
योगेश दिव्यांग असूनसुद्धा त्यांने कधीच नैराश्येला जवळ येऊ दिले नाही. तो आपल्या परिवाराच्या उदरनिर्वाहसाठी आजही औद्योगिक वसाहतीतील एका कंपनीत कामाला जातो. त्याला सामाजकार्याचीसुद्धा आवड असून योगेश हा दिव्यांग व सामाजिक बहुउद्देशीय संस्थेचा संस्थापक, अध्यक्ष व दिव्यांग सेनेचा तालुकाध्यक्ष आहे. या संस्थांच्या माध्यमातून तो, दिव्यांगांच्या अडीअडचणी सोडवत असतो. आवश्यक ते साहित्य वाटप करून दिव्यांग बांधवांना तो प्रोत्साहित सुद्धा करीत असतो. त्याच्या या उल्लेखनीय हस्तकलेची दखल घेत त्याला आतापर्यं अनेक पुरस्कार मिळाले. त्यात इंडिया बुक्स ऑफ रेकॉर्ड मध्ये नोंदणी होऊन उत्कृष्ट कलाकार म्हणून त्याचा पारितोषिक देऊन गौरव करण्यात आला. जिल्हा परिषदेच्या समाज कल्याण विभागातर्फे उत्कृष्ट हस्तकलाकार म्हणूनही त्याला पुरस्कार मिळाला, इंडियन रेड क्रॉस सोसायटी जळगाव व जिल्हा दिव्यांग पुनर्वसन केंद्र यांच्याकडून उत्कृष्ट दिव्यांग हस्तकलाकार म्हणून पुरस्कार देत त्याला गौरविण्यात आले. राष्ट्रीय दिव्यांग सेनेकडूनसुद्धा उत्कृष्ट दिव्यांग हस्तकलाकार म्हणून त्याला पुरस्कार आला आहे.