मी….; नवीन मुख्यमंत्री शपथविधीसाठी लगबग सुरू, फडणवीस, शिंदेंच्या भेटीसाठी रीघ

दरम्यान, भाजपच्या नेतृत्त्वानं महाराष्ट्रासाठी निरीक्षक म्हणून विजय रुपाणी आणि निर्मला सीतारामन यांची निवड केलेली आहे. विजय रुपाणी गुजरातचे माजी मुख्यमंत्री आहेत. त्यांच्याकडे पंजाबचादेखील प्रभार आहे. ते पंतप्रधान नरेंद्र मोदी यांचे अतिशय निकटवर्तीय म्हणून ओळखले जातात. गुजरातमध्ये पाटीदार समाजाचं आंदोलन पेटलेलं असताना रुपाणी यांच्याकडे मुख्यमंत्रिपद होतं. २०१६ ते २०२१ या कालावधीत त्यांनी मुख्यमंत्रिद भूषवलं.

विजय रुपाणी आणि निर्मला सीतारामन उद्या रात्री मुंबईत दाखल होतील. त्यानंतर गुरुवारी म्हणजेच ४ डिसेंबरला सकाळी ११ वाजता भाजपच्या आमदारांची बैठक होईल. त्या बैठकीत विधिमंडळ गटनेता ठरवण्यात येईल. आमदारांशी संवाद साधून रुपाणी आणि सीतारामन त्यांच्याकडून सुचवण्यात आलेल्या नावांवर सहमती घेतील. विधिमंडळ गटनेत्याचं नाव निश्चित झाल्यानंतर ते निरीक्षकांकडून दिल्लीला कळवण्यात येईल.