विधानसभा निवडणुकीचा निकाल लागल्यानंतर पराभूत उमेदवारांना आश्चर्याचा धक्का बसलाय. सोलापूर उत्तर मतदारसंघात भाजप उमेदवार विजयकुमार देशमुख विजयी झालेत. या विजयावर शरद पवार गटाचे पराभूत उमेदवार महेश कोठे संशय व्यक्त करत आहेत. महेश कोठे यांनीही ईव्हीएम मशीनवर संशय व्यक्त केला आहे. दोन मशीनची पडताळणी करण्यासाठी कोठेंनी जिल्हा प्रशासनाकडे अर्ज दाखल केलाय. मात्र फेरमतमोजणीसाठी जवळपास दहा लाख रुपये भरावे लागल्याचे त्यांनी सांगितले.