वीर पहारियाच्या ‘स्काय फोर्स’ची सहा दिवसांत इतकी कमाई, बजेट तरी वसूल करणार का सिनेमा?

अक्षय मुख्य भूमिकेत असला तरी या सिनेमात वीर पहारिया देखील महत्त्वाच्या भूमिकेत आहे, तसंच सारा अली खान आणि निमरत कौर यांच्याही भूमिका आहेत. दमदार ओपनिंगनंतर सिनेमानं बॉक्स ऑफिसवर पकड कायम ठेवली आहे. सहाव्या दिवशीही सिनेमानं चांगली कमाई केली आहे.

स्काय फोर्सनं सहाव्या दिवशी किती केली कमाई?
२४ जानेवारी रोजी हा सिनेमा प्रदर्शित झाला. त्यानंतर विकेंडचा सिनेमाला चांगलाच फायदा झाल्याचं दिसून आलं. १९६५च्या भारत पाक यु्द्धाच्या सत्य घटनेवर हा सिनेमा बेतला आहे. सिनेमाला समिक्षक तसंच प्रेक्षकांचेही सकारात्मक रिव्ह्यू पाहायला मिळत आहेत.

निर्मात्यांनी शेअर केलेल्या माहितीनुसार यासिनेमानं १५.३० कोटींची ओपनिंग केली आहे. तर दुसऱ्या दिवशी सिनेमानं २६.३० कोटींची कमाई केली. तर तिसऱ्या दिवशी सिनेमाची कमाई ३१.६० कोटी इतकी होती. तर चौथ्या दिवशी सिनेमाची कमाई घटली. सिनेमानं फक्त ८.१० कोटींची कमाई केली होती. सिनेमानं चार दिवसांत ८१.३० कोटींची कमाई केली होती. तर पाचव्या दिवशी सिनेमानं ५.७५ कोटींची कमाई केली होती. सहाव्या दिवशीही स्काय फोर्स सिनेमानं पाच कोटींच्या जवळपास कमाई केली. त्यामुळं सहा दिवसांत सिनेमाची कमाई ९२ कोटींच्या जवळपास पोहोचली आहे. लवकरच हा सिनेमा १०० कोटींच्या क्लबमध्ये दाखल होणार आहे.

बजेट किती?
सिनेमाचं बजेट हे १६० कोटींचं असल्याचं म्हटलं जात आहे. त्यामुळं हा बजेट वसूल करणार की नाही? हे येत्या काही दिवसांत कळेल.
बॉक्स ऑफिसवर आणखी दोन सिनेमांची टक्कर
तर आता येत्या विकेंडला बॉक्स ऑफिसवर शाहिद कपूरचा देवा आणि मराठी सिनेमा देवाचं घर प्रदर्शित होणार आहे. त्यामुळं या चित्रपटांमुळं स्काय फोर्सच्या कमाईवर परिणाम होणार आहे.