Emergencyvs pushpa 2 box office collection :बॉक्स ऑफिसवर सध्या साप शिडीचा खेळ रंगताना दिसतोय. कंगनाच्या इमर्जन्सी चित्रपटाला मात्र ही खेळ जिंकणं अवघड दिसतंय.
कंगना रणौतच्या इमर्जन्सी चित्रपटानं आतापर्यंत केवळ १४ कोटींच्या आसपास कमाई केली आहे. बिग बजेट असलेल्या या चित्रपटाची ही कमाई नक्कीच समाधानकारक नाहीये. पहिल्या दिवशी सिनेमानं अडीच कोटींची कमाई केली होती. त्यानंतर सिनेमाची कमाई थोड्या प्रमाणात वाढल्याचं दिसून आलं. दुसऱ्या दिवशीची कमाई ३.६ कोटींची होती. तिसऱ्या दिवशी ४.२५ कोटींचा गल्ला जमवला होता,तर चौथ्या दिवशी सिनेमाच्या कमाईत पुन्हा घसरण पाहायला मिळाली. चौथ्या दिवशी सिनेमानं फक्त १.५ कोटींची कमाई केली होती. तर पाचव्या दिवशी कमाई आणखी घटली, १ कोटींच्या घरात ही कमाई होती. तर सहाव्या दिवशी सिनेमानं फक्त ८७ लाखांचा गल्ला जमवला. तर सातव्या दिवसांचे आकडे अद्याप समोर आले नाहीयेत.
हे आकडे पाहिले असता, इमर्जन्सी सिनेमानं कंगनाची निराशा केल्याचं दिसून येतंय. बॉक्स ऑफिसवरच्या इतर सिनेमांच्या तुलनेत कंगनाच्या इमर्जन्सीचं बॉक्स ऑफिस कमी असलं तरी, एक सकारात्मक गोष्ट अशी की, यापूर्वी प्रदर्शित झालेल्या कंगनाच्या सिनेमांपेक्षा इमर्जन्सीचे आकडे जास्त आहेत. कंगनाच्या थलायवी आणि तेजस या चित्रपटांपेक्षा इमर्जन्सी सिनेमाची काई जास्त आहे.
दरम्यान, राशा थडानी आणि अमन देवगन यांच्या आजाद सिनेमाला प्रेक्षकांनी नाकारलं आहे. सहव्या दिवशी सिनेमानं ६२ लाखांची कमाई केली आहे. या सिनेमानं आतापर्यंत केवळ ६ कोटी ४६ लाखांची कमाई केली आहे.
पुष्पाची जादू कायम
तर अल्लू अर्जुनच्या पुष्पा २ सिनेमानं ४९ दिवशी बॉक्स ऑफिसवर ५० लाखांची कमाई केली आहे. या सिनेमानं आतापर्यंत १२३० कोटींची कमाई केली आहे.