Chhaava Box Office: विकी कौशल आणि रश्मिका मंदान्ना यांच्या ‘छावा’ या चित्रपटाने २१ दिवसांत देशांतर्गत बॉक्स ऑफिसवर मोठी कमाई केली आहे. या चित्रपटाने इतके वादळ निर्माण केले आहे की या वर्षी येणाऱ्या सर्व मोठ्या चित्रपटांसाठी आता तो मोठे आव्हान झाले आहे.
हायलाइट्स:
- विकी कौशल आणि रश्मिका मंदान्ना यांचा ‘छावा’ हा चित्रपट प्रदर्शित होऊन २१ दिवस झाले आहेत.
- २०२५ च्या सुरुवातीला या चित्रपटाने मोठी खळबळ उडवून दिली आहे.
- हा चित्रपट देशांतर्गत बॉक्स ऑफिसवर सर्वाधिक कमाई करणारा ११ वा चित्रपट आहे.
चौथ्या गुरुवारीही चित्रपटाने चांगले कलेक्शन करताना दिसला. छत्रपती राजा संभाजी महाराजांवर आधारित हा चित्रपट लक्ष्मण उतेरक यांनी दिग्दर्शित केला आहे. ‘छावा’ने बॉलिवूडच्या अनेक टॉप चित्रपटांना मागे टाकले असले तरी, भारतातील सर्वाधिक कमाई करणाऱ्या चित्रपटांच्या यादीत तो अजूनही ११ व्या क्रमांकावर आहे. चित्रपटाच्या कलेक्शनच्या आकडेवारीवरून असे दिसते की या वर्षी प्रदर्शित होणाऱ्या सलमान खानच्या ‘सिकंदर’ आणि प्रभासच्या ‘राजासाहेब’ चित्रपटांसाठी हा सिनेमा मोठे आव्हान ठरू शकतो. छावाचे कलेक्शन ओलांडणे या सिनेमांसाठी मोठे आव्हान असेल.
‘छावा’ने २१ व्या दिवशी ५.३५ कोटींची कमाई केली.
सॅकनिल्कच्या अहवालानुसार, ‘छावा’ चित्रपटाने २१ व्या दिवशी ५.३५ कोटी रुपये कमावले आहेत. विकी कौशल स्टारर या चित्रपटाने आतापर्यंत भारतीय बॉक्स ऑफिसवर एकूण ४८३.४० कोटी रुपयांची कमाई केली आहे. या आठवड्याच्या शेवटी हा चित्रपट देशांतर्गत बॉक्स ऑफिसवर ५०० कोटींचा टप्पा ओलांडेल असा अंदाज वर्तवला जातोय.
‘छावा’ ने जगभरात किती कमाई केली?
विकी कौशलच्या छावा सिनेमाच्या जगभरातील कमाईबद्दल बोलायचे झाले तर, त्याने आतापर्यंत ६५५ कोटी रुपयांचा आकडा ओलांडला आहे. या चित्रपटाने परदेशातही चांगली कमाई केली आहे. परदेशात सिनेमाने ८० कोटी रुपयांचा आकडा ओलांडला आहे. भारतातील एकूण कलेक्शनच्या आकडेवारीबद्दल बोलायचे झाले तर, या चित्रपटाने ५७५ कोटी रुपयांचा आकडा ओलांडला आहे.
Chhaava Box Office Collection: ‘छावा’चं वादळ २१ व्या दिवशीही घोंगावलं, सलमान खानच्या सिकंदर समोर विकी कौशलचं मोठं आव्हान, कोण मारणार बाजी?
या सिनेमात छ़त्रपती संभाजी महाराजांची भूमिका विकी कौशलने साकारली आहे. तर रश्मिकाने महाराणी येसूबाईंची भूमिका साकारलीय. तर अभिनेता अक्षय खन्ना याने औरंगजेबाची भूमिका साकारली आहे.