Zapuk Zupuk Vs Devmanus Box Office Collection Day 1: 25 एप्रिल रोजी रीलिज झालेल्या ‘झापुक झुपूक’ आणि ‘देवमाणूस’ या सिनेमांनी पहिल्याच दिवशी किती गल्ला कमावला?
हायलाइट्स:
- मराठी सिनेमांचे बॉक्स ऑफिस कलेक्शन
- पहिल्या दिवशी मराठी सिनेमांची निराशा
- ‘झापुक झुपूक’ आणि ‘देवमाणूस’ची स्पर्धा
‘झापुक झुपूक’ आणि ‘देवमाणूस’ची पहिल्या दिवसाची कमाई किती?
‘झापुक झुपूक’ने पहिल्या दिवशी 27 लाख रुपयांचे ग्रॉस कलेक्शन केले, तर नेट कलेक्शन 24 लाख रुपयांचे आहे. तर ‘देवमाणूस’ची पहिल्या दिवसाची ग्रॉस कमाई 15 लाख रुपये असून, 14 लाख रुपयांचे नेट कलेक्शन आहे. Sacnilk ने ही आकडेवारी दिली आहे. पहिल्या दिवशीच्या कमाईनंतर येणाऱ्या वीकेंडपर्यंत हे मराठी सिनेमे चांगली कमाई करू शकतील का हे पाहणे महत्त्वाचे ठरेल.
बॉलिवूड सिनेमांशी स्पर्धा
पहिल्या दिवशी या सिनेमांची कमी कमाई होण्याचे महत्त्वाचे कारण म्हणजे सध्या बॉक्स ऑफिसवर काही बॉलिवूड आणि दाक्षिणात्य चित्रपटांची एकमेकांशी स्पर्धा सुरू आहे. 25 एप्रिल रोजी ‘ग्राउंड झीरो’, ‘थुडरुम’, ‘फुले’ असे चर्चेत असणारे चित्रपट रीलिज झाले आहेत. याशिवाय अक्षय कुमारचा ‘केसरी चॅप्टर 2’, सनी देओलचा ‘जाट’ या सिनेमांमध्येही तगडी स्पर्धा पाहायला मिळते आहे.
‘झापूक झुपूक’च्या कास्टबद्दल सांगायचे झाल्यास यामध्ये सूरज चव्हाण, जुई भागवत, इंद्रनील कामत, हेमंत फरांदे, मिलिंद गवळी, पुष्कराज चिरपुटकर, दीपाली पानसरे हे कलाकार आहेत. तर ‘देवमाणूस’मध्ये महेश मांजरेकर, रेणुका शहाणे, सुबोध भावे, सिद्धार्थ बोडके, अभिजीत खांडकेकर अशी तगडी स्टारकास्ट पाहायला मिळाली.