तेज पोलीस टाइम्स : परवेज शेख 70306 46046
दिनांक १५/०६/२०२५ रोजी मा. पोलीस आयुक्त साो, पुणे शहर यांचे संकल्पनेतील कॉप्स २४ या विशेष पथकातील पोलीस अंमलदार कृष्णा आसाराम म्हस्के, पोलीस सौरभ राजेंद्र साळवेहे कात्रज मार्शल म्हणुन पेट्रोलींग करीत असताना हवेली हॉटेलच्या अलीकडील जगजीत इंजिनअरींग, श्री लक्ष्मी गॅरेजच्या समोरील बाजुस मुख्य रोडलगत इसम नामे १) निखील मुकेश तुसाम, वय १९ वर्षे, रा. येराई रोड, केळेवाडी, कोथरुड, पुणे २) अनिकेत संजय मालपोटे, वय २२ वर्षे, रा घर नंबर १६, सुतारदरा, दत्तनगर, कोथरुड, पुणे ३) विधीसंघर्षीत बालक हे ३ गावठी बनावटीचे पिस्टल, ९ जिवंत काडतुसे, २ रिकाम्या मॅग्झीन बेकायदेशीर रित्या मिळुन आल्याने तो मुद्देमाल जप्त करुन त्यांचेविरुध्द भारती विद्यापीठ पोलीस स्टेशन गुन्हा रजि नंबर २९१/२०२५, भारतीय हत्यार अधिनियम कलम ३ सह २५ महाराष्ट्र पोलीस अधिनियम कलम ३७ (१) (३) सह १३५ अन्वये गुन्हा दाखल करण्यात आला आहे.भारती विद्यापीठ पोलीस स्टेशन व गुन्हे शाखेकडील अधिकारी व अंमलदार यांनी आरोपी व बालकांकडे केले तपासामध्ये ते साहील ठोंबरे, रा. कोथरुड, पुणे या इसमाचा कात्रज घाटामध्ये खुन करण्यासाठी ३ पिस्टल व ९ काडतुसे घेवुन थांबल्याचे तपासामध्ये निष्पन्न झाले आहे. तरी आरोपींकडे सखोल तपास चालु आहे.
सदरची कामगिरी मा. अमितेश कुमार मा. पोलीस आयुक्त साो, पुणे शहर, मा. रंजनकुमार शर्मा साो, पोलीस सह आयुक्त, पुणे शहर, मा. राजेश बनसोडे साो, अपर पोलीस आयुकत, पश्चिम प्रादेशीक विभाग, पुणे, मा. पंकज देशमुख साो, अपर पोलीस आयुकत, गुन्हे शाखा पुणे, मा. निखील पिंगळे साो, पोलीस उप आयुक्त गुन्हे, पुणे शहर, मा. श्रीमती स्मार्तना पाटील साो मा. पोलीस उप आयुक्त परिमंडळ २, मा. राहुल आवारे, मा. सहाय्यक पोलीस आयुक्त स्वारगेट विभाग, पुणे यांचे मार्गदर्शनाखाली गुन्हे शाखा, युनिट ०२ कडील वरीष्ठ पोलीस निरीक्षक प्रताप मानकर, व भारती विद्यापीठ पोलीस स्टेशनकडील पोलीस निरीक्षक (गुन्हे) राहुलकुमार खिलारे, व पोलीस उपनिरीक्षक निलेश मोकाशी, कॉप्स २४ पथकाचे पोलीस अंमलदार कृष्णा आसाराम म्हस्के, सौरभ राजेंद्र साळवे व भारती विद्यापीठ पोलीस स्टेशनकडील पोलीस स्टाफने केली आहे.