तेज पोलीस टाइम्स : परवेज शेख 70306 46046
दि.११/०७/२०२५ रोजी वैष्णवी बिल्डींग, एच.डी.एफ.सी एटीएम समोर, साईसिध्दी चौक, आंबेगाव पठार, पुणे येथे एका मुलास कोणीतरी चाकुने मारला आहे रक्त निघत आहे अशा आशयाचा कॉल एम.डी.टी डिवायसवर कॉल प्राप्त झाल्याने लागलीच भारती विद्यापीठ पोलीस स्टेशन वरीष्ठ पोलीस निरीक्षक श्री. राहुल खिलारे व इतर पोलीस अधिकारी व अंमलदार यांनी घटनास्थळी धाव घेवुन घटनास्थळावर जखमी असलेल्या इसमास तात्काळ उपचारा करता भारती हॉस्पीटलकडे पाठविले असता सदर इसमाची तपासणी करुन तो मयत झाल्याचे डॉक्टरांनी सांगितले. सदर मयत इसमाची ओळख पटविली असता त्याचे नाव आर्यन ऊर्फ निखील अशोक सावळे, वय १९ वर्षे, रा. मुपो ठेंगोडा, सटाना, जि. नाशिक असे असल्याचे समजले.सदरची घटना गंभीर स्वरुपाची असल्यामुळे वरीष्ठ पोलीस निरीक्षक श्री. राहुल खिलारे यांनी तपास पथकाचे अधिकारी पोलीस उप-निरीक्षक निलेश मोकाशी व तपास पथकातील अंमलदार यांना मयत इसमास जिवे ठार मारणाऱ्या आरोपीचा शोध घेणेबाबत योग्य त्या सुचना दिल्या. त्यानुसार तपास पथकातील अधिकारी पोलीस उप-निरीक्षक निलेश मोकाशी व पोलीस अंमलदार हे आरोपीचा शोध घेत असताना पोलीस अंमलदार मितेश चोरमोले, सागर बोरगे, अभिनय चौधरी यांना इसम नामे धैर्यशील ऊर्फे सचिन बळीराम मोरे, वय २३ वर्षे, रा. सुवर्णयुग नगर, तीन बत्ती चौक, आंबेगाव पठार, पुणे हा आंबेगाव पठार चिंतामणी शाळेसमोरुन पळुन जात असताना मिळुन आला. त्यांनी त्यास ताब्यात घेवुन मा. वरीष्ठा समक्ष हजर केले. नमुद इसमाकडे अधिक तपास करता त्याने मयत इसम आर्यन ऊर्फ निखील अशोक सावळे याने कानाखाली मारल्याचे रागातुन लोखंडी हत्याराने वार करुन जिवे ठार मारल्याचे सांगितले.फिर्यादी यांनी त्यांचा भाचा आर्यन ऊर्फ निखील अशोक सावळे, वय १९ वर्षे, रा. मुपो ठेंगोडा, सटाना, जि. नाशिक यास इसम नामे धैर्यशील ऊर्फे सचिन बळीराम मोरे, वय २३ वर्षे, रा. सुवर्णयुग नगर, तीन बत्ती चौक, आंबेगाव पठार, पुणे यास लोखंडी धारधार हत्याराने वार करुन जिवे ठार मारले म्हणुन भारती विद्यापीठ पोलीस स्टेशन गुन्हा रजि नंबर ३३३/२०२५,१०३ ३७ (१) (३) सह १३५ गुन्हा दाखल केला असुन त्यामध्ये नमुद आरोपीस अटक आहे.
सदरची कामगिरी ही मा. अपर पोलीस आयुक्त, पश्चिम प्रादेशीक विभाग, पुणे शहर श्री. राजेश बनसोडे मा. पोलीस उप-आयुक्त परिमंडळ २, पुणे शहर श्री. मिलींद मोहीते मा. सहाय्यक पोलीस आयुक्त स्वारगेट विभाग, पुणे श्री. राहुल आवारे, यांचे मार्गदर्शनाखाली भारती विदयापीठ पोलीस स्टेशनकडील वरिष्ठ पोलीस निरीक्षक श्री. राहुल खिलारे, पोलीस निरीक्षक (गुन्हे) श्री. जितेंद्र कदम, सहाय्यक पोलीस निरीक्षक स्वप्निल पाटील, पोलीस उप-निरीक्षक निलेश मोकाशी, रमेश चौधरी, तसेच पोलीस अंमलदार मितेश चोरमोले, अभिनय चौधरी, सागर बोरगे, महेश बारवकर, मंगेश पवार, सचिन सरपाले, निलेश खैरमोडे, मंगेश गायकवाड, किरण साबळे, तुकाराम सुतार, संदीप आगळे, नागेश पिसाळ, मिलींद गायकवाड यांच्या पथकाने केली आहे.