महिला सन्मान, न्याय व संविधानिक मूल्यांच्या रक्षणासाठी पुण्यात “जोडे मारो” आंदोलन

परवेज शेख : तेज पोलीस टाइम्स

महिला सन्मान, न्याय व संविधानिक मूल्यांच्या रक्षणासाठी पुण्यात “जोडे मारो” आंदोलन— गुन्हा दाखल करून मुख्यमंत्री पदावरून हकालपट्टी व तात्काळ अटकेची मागणीपुणे | दिनांक : १९ डिसेंबर २०२५ महिलांचा सन्मान, न्याय व भारतीय संविधानिक मूल्यांच्या संरक्षणासाठी आज पुणे जिल्हाधिकारी कार्यालय, कॅम्प, पुणे येथे “जोडे मारो” आंदोलन शांततापूर्ण व यशस्वीरीत्या पार पडले. हे आंदोलन बिहारचे मुख्यमंत्री नितीश राम लखन कुमार यांनी एका मुस्लिम डॉक्टर महिलेचा बुरख्याचा नकाब जबरदस्तीने काढून तिचा अपमान व विनयभंग केल्याच्या कथित घटनेच्या निषेधार्थ आयोजित करण्यात आले होते. सदर आंदोलन सकल हिंदू-मुस्लिम समाजाच्या वतीने शांततापूर्ण मार्गाने करण्यात आले. बिहार मुख्यमंत्री नितीश कुमार यांच्यावर महिलेचा विनयभंग करणे, जबरदस्तीने बुरख्याचा नकाब काढणे, धार्मिक भावना दुखावणे तसेच जातीय व धार्मिक तेढ निर्माण करण्याचा प्रयत्न केल्याबाबत भारतीय न्याय संहिता, २०२३ अंतर्गत योग्य कलमान्वये गुन्हा दाखल करण्यात यावा, अशी ठाम मागणी यावेळी करण्यात आली.सदर कृत्य हे केवळ एका महिलेच्या प्रतिष्ठा, सन्मान व वैयक्तिक स्वातंत्र्यावर आघात करणारे नसून, संपूर्ण समाजाच्या सामाजिक सलोखा, महिलांच्या सुरक्षिततेच्या हक्कांवर व संविधानिक मूल्यांवर गंभीर आघात करणारे असल्याचे आंदोलनकर्त्यांनी स्पष्ट केले. या आंदोलनाच्या अनुषंगाने मा. राष्ट्रपती महोदय, भारत, राष्ट्रपती भवन, नवी दिल्ली यांना लेखी निवेदने व तक्रारी सादर करण्यात आल्या, तसेच मा. अध्यक्ष, राष्ट्रीय महिला आयोग (NCW), नवी दिल्ली — सदर प्रकरणात स्वतःहून (suo motu) दखल घेण्याची मागणी करण्यात आली व मा. पोलीस आयुक्त, पुणे शहर तसेच वरिष्ठ पोलीस निरीक्षक, बंडगार्डन पोलीस स्टेशन, पुणे यांना लेखी तक्रारी सादर करून सदर प्रकरणी Zero FIR नोंदविण्याबाबत मागणी करण्यात आली. या आंदोलनादरम्यान नितीश कुमार यांच्याविरोधात तात्काळ FIR नोंदविण्यात यावा, त्यांना मुख्यमंत्री पदावरून हटविण्यात यावे व तात्काळ अटक करण्यात यावी, अशी ठाम व स्पष्ट मागणी करण्यात आली. या आंदोलनात समाजातील विविध घटकांतील नागरिकांनी मोठ्या संख्येने सहभाग नोंदवून शांततापूर्ण, शिस्तबद्ध व लोकशाही मार्गाने आपला निषेध व्यक्त केला. यावेळी माध्यमांशी बोलताना ॲड. तोसिफ शेख म्हणाले :“कोणताही व्यक्ती कितीही मोठ्या पदावर असला, तरी महिलांच्या सन्मानाशी, सुरक्षिततेशी व संविधानिक मूल्यांशी तडजोड केली जाणार नाही. कायदा सर्वांसाठी समान आहे. या प्रकरणात FIR, मुख्यमंत्री पदावरून हकालपट्टी व तात्काळ अटक ही अपरिहार्य आहे.” सदर आंदोलन शांततेत संपन्न झाले असून, कायदेशीर व संविधानिक मार्गाने न्याय मिळेपर्यंत लढा सुरूच राहील, असा ठाम संदेश यावेळी देण्यात आला.सदर आंदोलनाला माजी शिवसेना आमदार महादेव बाबर यांची उपस्थिती होती. तसेच माजी नगरसेवक तसेच सर्व जाती-धर्मांचे नागरिक मोठ्या संख्येने उपस्थित राहून त्यांनी आपल्या निषेधाची भूमिका ठामपणे मांडली.— ॲड. तोसिफ शेखअधिवक्ता व सामाजिक कार्यकर्ता, पुणे📞 ९८६०९०७३५७जय भारत | जय संविधान