छत्रपती संभाजी नगर येथे अधिपरिचारिका पुरुष गजानन गेडाम यांचा सन्मान. गव्हर्नमेंट नर्सेस फेडरेशन नी घेतली कार्याची दखल . छत्रपती संभाजी नगर येथे नुकताच महाराष्ट्र गव्हर्मेंट नर्सेस फेडरेशन चा २० वी राज्यव्यापी सुवर्ण महोत्सवी परिषद घाटी रुग्णालय परिसर येथे पार पडली. या २० व्या सवर्ण महोत्सवी परिषद चे उदघाट्न छत्रपती संभाजी नगर चे जिल्हाधिकारी श्री दिलीप स्वामी यांच्या शुभहस्ते करण्यात आले. त्यानंतर संघटनेच्या “समर्पण” या स्मरणिकेचे उद्घाटनही करण्यात आले. सदर कार्यक्रमाला प्रमुख पाहुणे म्हणून डॉ.शिवाजी सुक्रे अधिष्ठाता, शासकीय वैद्यकीय महाविद्यालय व रुग्णालय, छत्रपती संभाजीनगर, डॉ. रामलिंग माळी – अध्यक्ष, महाराष्ट्र परिचर्या परिषद, श्री अशोक दगडे – अध्यक्ष, राज्य सरकारी कर्मचारी मध्यवर्ती संघटना, श्री विश्वास काटकर – सरचिटणीस, राज्य सरकारी कर्मचारी मध्यवर्ती संघटना, श्रीमती कमल वायकोळे संस्थापक सल्लागार, महाराष्ट्र गव्हर्नमेंट नर्सेस फेडरेशन, श्रीमती इंदुमती थोरात – राज्याध्यक्ष, श्री विशाल सोनार – राज्य सरचिटणीस, श्रीमती रेखा थिटे – राज्य खजिनदार, श्रीमती कल्पना विंचुरकर – कार्यकारी कार्याध्यक्ष, श्रीमती वर्षा पागोटे – कार्याध्यक्ष (सार्वजनिक आरोग्य विभाग), श्रीमती कविता ठोंबरे – कार्याध्यक्ष (वैद्यकीय शिक्षण विभाग) आदी उपस्थित होते. यावेळी फेडरेशन चे ५० वर्षा चे कार्य आणि पुढील उद्देश यावर माहिती देण्यात आली. यावेळी संलग्न असलेल्या गडचिरोली गव्हर्मेंट नर्सेस संघटनेचे कार्याध्यक्ष श्री गजानन गेडाम यांचा उत्कृष्ट कार्याबद्दल आणि कर्तव्या व्यतिरिक्त छंद जोपासत ९९ व्या अखिल भारतीय साहित्य संमेलन सातारा येथे कवितेची निवड आणि सामाजिक कार्याबद्दल फेडरेशन च्या राज्यध्यक्षा इंदुमती थोरात आणि राज्य सरचिटणीस विशाल सोनार यांच्या हस्ते शाल श्रीफळ आणि पुष्पगुच्छ देऊन सत्कार करण्यात आला. गजानन गेडाम हे गडचिरोली जिल्ह्यातील ग्रामीण भागात कर्तव्य बजावत असून संघटनेचे कार्य आणि सामाजिक कार्य सतत करत असतात त्यांचे आजता गायत चे ३६ वेळ रक्तदान आणि आरोग्य विषयी जनजागृती, कर्करोग विषयी जनजागृती आदी कार्य उल्लेखनीय आणि प्रशंसनीय असल्या बद्दल चे मत सरचिटणीस विशाल सोनार यांनी व्यक्त करत गजानन गेडाम यांच्या नर्सिंग व्यवसाया व्यतिरिक्त स्वतःचा वेळ काढून केल्या जाणाऱ्या कार्याचे कौतुक केले.