O Romeo Box Office Collection Day 3 :बॉक्स ऑफिसवर सध्या शाहिद कपूरचा ओ रोमियो सिनेमा दाखल झालाय. तीन दिवसांपूर्वी हा सिनेमा प्रदर्शित झाला. पण तिसऱ्या दिवशी सिनेमाच्या कमाईत घट झाल्याचं दिसू आलं आहे.
अभिनेता शाहिद कपूर आणि तृप्ती डिमरी यांचा बहुचर्चित चित्रपट ‘ओ रोमिओ’ सध्या बॉक्स ऑफिसवर चर्चेत आहे. प्रदर्शनाच्या पहिल्या दोन दिवसांत समाधानकारक कमाई केल्यानंतर, तिसऱ्या दिवशी म्हणजेच रविवारी या चित्रपटाच्या कलेक्शनमध्ये घट पाहायला मिळाली. या घसरणीचं मुख्य कारण रविवारी झालेला भारत विरुद्ध पाकिस्तान हा हाय-व्होल्टेज टी-२० सामना असल्याचं बोललं जात आहे.
सामन्याचा फटका आणि कलेक्शनचे आकडे
विशाल भारद्वाज दिग्दर्शित ‘ओ रोमिओ’ चित्रपट व्हॅलेंटाईन डेच्या आदल्या दिवशी १३ फेब्रुवारीला प्रदर्शित झाला. दुसऱ्या दिवशी चित्रपटानं १२.६५ कोटींची जबरदस्त कमाई केली होती. मात्र, रविवारी
प्रेक्षकांनी सिनेमा न पाहताभारत-पाकिस्तान सामन्याला पसंती दिल्याचं दिसून आलं, प्रेक्षकांनी चित्रपटगृहांकडं प्रेक्षकांनी पाठ फिरवली.
‘ओ रोमियो’ची एकूण कमाई किती
शाहिदच्या ओ रोमियोनं शुक्रवारी म्हणजेच प्रदर्शनाच्या दिवशी ८.५ कोटींची कमाई केली होती. तर दुसऱ्या दिवशी सिनेमा शनिवारी सिनेमानं १२.६५ कोटींचा गल्ला जमवला. तर तिसऱ्या दिवशी म्हणजेच पहिल्या रविवारी सिनेमाच्या कमाईत वाढ होण्याची शक्यता वर्तवण्यात आली होती, पण भारत -पाकिस्तान सामन्यामुळं सिनेमाच्या कमाईत घट झाल्याचं दिसून आलं. रविवारी सिनेमा ९ कोटींची कमाई केली. सिनेमाची एकूण कमाई ही अंदाजे ३० कोटींच्या जवळपास झाली आहे.
माझा ऑक्सिजन कमी होत होता, बिग बॉसच्या घरात सांगूनही काळजी घेतली नाही; दिव्या शिंदेचा आरोप
मिळालेल्या माहितीनुसार, रविवारी सकाळी चित्रपटाची ऑक्युपेन्सी चांगली होती. मात्र, जसा भारत-पाकिस्तान सामना सुरू झाला, तसे संध्याकाळच्या आणि रात्रीच्या शोमधील प्रेक्षकांचं प्रमाण घटलं.
हुसैन जैदी यांच्या कादंबरीवर आधारित हा चित्रपट मुंबई अंडरवर्ल्डची कथा सांगतो. यात शाहिद कपूरनं ‘हुसैन उस्तरा’ तर तृप्ती डिमरीनं ‘सपना दीदी’ची भूमिका साकारली आहे.