कोल्हापूर : महाराष्ट्राचा आराध्य दैवत असलेल्या विठू माऊलीच्या दर्शनासाठी रोज हजारो भाविक आसुसलेले असतात. विशेषतः आषाढी एकादशी निमित्त जिल्ह्यातून तसेच आजूबाजूच्या राज्यातून हजारो वारकरी पायी दिंडी काढत पंढरीची वाट धरतात. तर वारकऱ्यांच्या घरातील पाळीव प्राण्यांपासून ते प्रत्येक व्यक्तीच्या मनात ही विठ्ठल बसलेला असतो. असच एक पाळीव श्वानाची चर्चा कोल्हापुरच्या पंचक्रोशीत सुरू आहे. कोल्हापुरातल्या नानीबाई चिखली येथील एक पाळीव ‘महाराज’ नावाच्या श्र्वानाने नानीबाई चिखली ते पंढरपूर असा २२५ किलोमीटरची वारी पायी चालत पूर्ण केली. मात्र तो पंढरपूरात गर्दीमध्ये हरवला आणि आश्चर्य म्हणजे दोन दिवसांपूर्वीच कुत्रा एकटाच घरी परतला. विठ्ठलानेच ‘महाराज’ कुत्र्याला वाट दाखवली अशा भावना आता पंचक्रोशीतून व्यक्त होत आहेत.महाराष्ट्र – कर्नाटक सीमा भागातील निपाणी जवळच्या यमगर्णी गावचे ज्ञानेश्वर कुंभार आणि कुटुंबीय विठ्ठलाचे निस्सिम भक्त आहेत. ते गेली ३० वर्ष कोल्हापुरातल्या कागल तालुक्यातील नानीबाई चिखली ते पंढरपूर अशी पायी वारी करतात. ज्याप्रमाणे परिवारातील प्रत्येक व्यक्ती विठ्ठलाचे भक्ती करतो तसेच भक्ती त्यांच्या घरात असलेला पाळीव श्वानही करतो. गावात दरवर्षी अखंड हरिनाम सप्ताहाचा आयोजन ही करण्यात येते अनेक धार्मिक कार्यक्रमांच्या वेळी वारकरी ज्ञानेश्वर कुंभार यांच्यासोबत कुत्रा नेहमी असतो. गावकऱ्यांनी मुक्या प्राण्याचं धार्मिक प्रेम पाहून ‘महाराज’ असं त्याचं नामकरण केलं आहे. जाता-येता गावकऱ्यांनी ‘महाराज’ अशी हाक दिल्यावर कान टवकारून, शेपूट हलवत कुत्राही प्रतिसाद देतो.
गावात मोठ्या प्रमाणत वारकरी संप्रदाय असल्याने दरवर्षी गावातून पंढरपूरला वारी निघते. यामध्ये कुंभार ही सहभागी होतात. यंदा ही ते गावातून ६ जुलै ते १४ जुलै दरम्यान पायी दिंडी निघाले. या दिंडीतही ‘महाराज’ हा कुत्रा कुंभार यांच्यासोबत वारीतून चालत पंढरपूरकडे निघाला. तब्बल २२५ किलोमीटरचं अंतर वारकऱ्यांसोबत या श्र्वानानेही पूर्ण केलं. मात्र पंढरपुरात जाताच लाखोंच्या गर्दीत हा श्वान हरवला. पंढरपुरात कुंभार कुटुंबीयांनी दोन दिवस आपल्या लाडक्या कुत्र्याला शोधण्याचा प्रयत्न केला. मात्र रिकाम्या हातानेच त्यांना घरी परतावं लागलं. सुमारे २२५ अंतर पूर्ण करून वारीत गेलेला कुत्रा न मिळाल्याने कुंभार कुटुंबीय हताश झाले होते.
गावात मोठ्या प्रमाणत वारकरी संप्रदाय असल्याने दरवर्षी गावातून पंढरपूरला वारी निघते. यामध्ये कुंभार ही सहभागी होतात. यंदा ही ते गावातून ६ जुलै ते १४ जुलै दरम्यान पायी दिंडी निघाले. या दिंडीतही ‘महाराज’ हा कुत्रा कुंभार यांच्यासोबत वारीतून चालत पंढरपूरकडे निघाला. तब्बल २२५ किलोमीटरचं अंतर वारकऱ्यांसोबत या श्र्वानानेही पूर्ण केलं. मात्र पंढरपुरात जाताच लाखोंच्या गर्दीत हा श्वान हरवला. पंढरपुरात कुंभार कुटुंबीयांनी दोन दिवस आपल्या लाडक्या कुत्र्याला शोधण्याचा प्रयत्न केला. मात्र रिकाम्या हातानेच त्यांना घरी परतावं लागलं. सुमारे २२५ अंतर पूर्ण करून वारीत गेलेला कुत्रा न मिळाल्याने कुंभार कुटुंबीय हताश झाले होते.
दरम्यान, गावातीलच गावकऱ्यांनी याबाबतची पोस्ट सोशल मीडियावर व्हायरल केली होती. गेली आठवडाभर कुत्र्याचा शोध घेण्याचं काम सुरू होतं. मात्र दोनच दिवसांपूर्वी ‘महाराज’ कुत्रा एकटाच गावी परतला. हरवलेला लाडका कुत्रा घरी परतलेला बघून कुंभार कुटुंबीयांचा आनंदाला पारावर उरला नाही. गावकऱ्यांनी तर या कुत्र्याची गावातून जंगी मिरवणूकच काढली. गावी परतलेल्या या कुत्र्याचे हार घालून पूजन केलेले फोटो सोशल मीडियावर मात्र तुफान व्हायरल झाले. प्रत्येकाने विठ्ठलानेच पाळीव कुत्र्याला वाट दाखवली अशा भावना सीमाभागासह कोल्हापूर जिल्ह्यात व्यक्त झाल्या.