विवाहबाह्य संबंधातून चिमुकलीचा जन्म
देगलूर शहरातील फुले नगर येथील एका महिलेच्या पतीचे दोन वर्षा पूर्वी निधन झाले होते. त्या महिलेला सहा वर्षांची मुलगी आणि एक चार वर्षांचा मुलगा असल्याची माहिती आहे. पतीच्या निधनानंतर महिलेची गावातीलच शेषराव भुरे याच्यासोबत ओळख झाली आणि त्या दोघांमध्ये सूत जुळले. विशेष म्हणजे शेषेराव हा देखील विवाहित असून त्याला देखील तीन आपत्य आहेत.
दरम्यान, सूत जुळाल्यानंतर शेषेराव भुरे याने सदर महिलेला खोली करून दिली आणि तो तिच्या सोबतही राहू लागला. या संबंधातून ११ जुलै रोजी त्यांना एक मुलगी झाली. आरोपीला आधीच तीन मुलं होती. आता आणखी मुलांचा सांभाळ कसा करून म्हणून त्याचं प्रेयसीसोबत भांडण झालं. एवढंच नाही तर त्याने मुलीला संपवण्याचा तगादा लावला होता.
२५ दिवसांच्या बाळाची गळा आवळून हत्या
अखेर शेषराव भुरे याने ३ ऑगस्टच्या मध्यरात्री २ वाजून ३० मिनिटाच्या सुमारास मुलीचा गळा आवळून खून केला. त्यांनतर मुलीचे प्रेत एका पिशवीत टाकून लेंडी नदीच्या पुलावरून नदीपात्रात फेकून दिले. तसेच, महिलेला शांत राहण्याची धमकी दिली. सोमवारी अज्ञाताने देगलूर पोलिसांना या घटनेची माहिती दिली. त्यावरून पोलीस भुरे याच्या घरी गेली चौकशी केली.
चौकशी दरम्यान ही धक्कादायक घटना उघडकीस आली. दरम्यान पोलिसांनी बाळाचे प्रेत बाहेर काढले. या प्रकरणी आरोपी शेषराव भुरे विरोधात खुनाचा गुन्हा दाखल करण्यात आला आहे. या घटनेचा तपास पोलीस निरीक्षक विश्वनाथ झुंझारे करीत आहेत. दरम्यान या घटनेने खळबळ उडाली आहे.