विवाहबाह्य संबंधातून मुलीचा जन्म, क्रूर पित्याने २५ दिवसांच्या बाळाचा गळा आवळला अन् मग…

नांदेड: जिल्ह्यातील देगलूर तालुक्यात एक संतापजनक घटना समोर आली आहे. अनैतिक संबंधातून जन्मलेल्या एका २५ दिवसांच्या स्त्री जातीच्या बाळाचा पित्याकडून गळा आवळून खून करण्यात आला आहे. धक्कादायक बाब म्हणजे खून केल्यानंतर बाळाचा मृतदेह थैलीत टाकून नदी पात्रात फेकून देण्यात आला. घटना उघडकीस आल्यानंतर देगलूर पोलिसांनी नराधम पित्याला अटक करून खुनाचा गुन्हा दाखल केला आहे. या घटनेने देगलूर तालुक्यात खळबळ उडाली आहे.

विवाहबाह्य संबंधातून चिमुकलीचा जन्म

देगलूर शहरातील फुले नगर येथील एका महिलेच्या पतीचे दोन वर्षा पूर्वी निधन झाले होते. त्या महिलेला सहा वर्षांची मुलगी आणि एक चार वर्षांचा मुलगा असल्याची माहिती आहे. पतीच्या निधनानंतर महिलेची गावातीलच शेषराव भुरे याच्यासोबत ओळख झाली आणि त्या दोघांमध्ये सूत जुळले. विशेष म्हणजे शेषेराव हा देखील विवाहित असून त्याला देखील तीन आपत्य आहेत.
Jalgaon: हॅलो मित्रा, तुला हा माझा शेवटचा फोन; फ्रेंडशिप डे ला तरुणाचं टोकाचं पाऊल
दरम्यान, सूत जुळाल्यानंतर शेषेराव भुरे याने सदर महिलेला खोली करून दिली आणि तो तिच्या सोबतही राहू लागला. या संबंधातून ११ जुलै रोजी त्यांना एक मुलगी झाली. आरोपीला आधीच तीन मुलं होती. आता आणखी मुलांचा सांभाळ कसा करून म्हणून त्याचं प्रेयसीसोबत भांडण झालं. एवढंच नाही तर त्याने मुलीला संपवण्याचा तगादा लावला होता.

२५ दिवसांच्या बाळाची गळा आवळून हत्या

अखेर शेषराव भुरे याने ३ ऑगस्टच्या मध्यरात्री २ वाजून ३० मिनिटाच्या सुमारास मुलीचा गळा आवळून खून केला. त्यांनतर मुलीचे प्रेत एका पिशवीत टाकून लेंडी नदीच्या पुलावरून नदीपात्रात फेकून दिले. तसेच, महिलेला शांत राहण्याची धमकी दिली. सोमवारी अज्ञाताने देगलूर पोलिसांना या घटनेची माहिती दिली. त्यावरून पोलीस भुरे याच्या घरी गेली चौकशी केली.

चौकशी दरम्यान ही धक्कादायक घटना उघडकीस आली. दरम्यान पोलिसांनी बाळाचे प्रेत बाहेर काढले. या प्रकरणी आरोपी शेषराव भुरे विरोधात खुनाचा गुन्हा दाखल करण्यात आला आहे. या घटनेचा तपास पोलीस निरीक्षक विश्वनाथ झुंझारे करीत आहेत. दरम्यान या घटनेने खळबळ उडाली आहे.