Tej Police Times
पुणे परवेज़ शेख
पुण्यात घरफोडीच्या गुन्ह्यांचा छडा लावत समर्थ पोलिसांनी तब्बल ५२ लाख रुपयांचा सोन्याचा मुद्देमाल हस्तगत करून तो मूळ तक्रारदारांना परत केला आहे.समर्थ पोलीस ठाण्याच्या हद्दीत दाखल घरफोडीच्या गुन्ह्यांचा तपास करताना तांत्रिक माहिती, सीसीटीव्ही फुटेज आणि गोपनीय बातमीदारांच्या मदतीने सराईत आरोपींचा शोध घेऊन त्यांना अटक करण्यात आली.आरोपींकडे कसून चौकशी केल्यानंतर विविध गुन्ह्यांमध्ये चोरीस गेलेले सोने, चांदी आणि मोत्यांचे दागिने असा सुमारे ५२ लाख रुपयांचा मुद्देमाल हस्तगत करण्यात आला.न्यायालयाच्या आदेशानुसार हा मुद्देमाल पोलीस उपआयुक्त कृषीकेश रावले यांच्या हस्ते मूळ तक्रारदारांना परत करण्यात आला.ही कारवाई पोलीस आयुक्त अमितेश कुमार, पोलीस सहआयुक्त संजय दराडे, अपर पोलीस आयुक्त राजेश बनसोडे, डीसीपी कृषीकेश रावले आणि एसीपी सचिन हिरे यांच्या मार्गदर्शनाखाली करण्यात आली.