Tej Police Times
पुणे – परवेज शेख
पुणे : बंडगार्डन पोलिसांनी पुणे रेल्वे पोलिसांवर जीवघेणा हल्ला करून जबरी चोरी करणाऱ्या चार आरोपींना अवघ्या काही तासांत जेरबंद केले आहे.
७ सप्टेंबरच्या रात्री ड्युटी संपवून घरी जात असलेल्या अक्षय बोंबाले यांची ससून रुग्णालयामागील फुटपाथजवळ दुचाकी अडवण्यात आली. आरोपींनी धारदार चाकूने त्यांच्या गळ्यावर आणि छातीवर वार करत, डोक्यात दगड घातला. त्यानंतर मोबाईल आणि सोन्याची चैन जबरदस्तीने घेऊन आरोपी पसार झाले.
गंभीर घटनेची दखल घेत वरिष्ठ पोलीस निरीक्षक संतोष पांढरे यांनी दोन तपास पथके तयार केली. तांत्रिक विश्लेषण आणि सीसीटीव्हीच्या मदतीने आरोपी नाना पेठेत लपल्याची माहिती मिळाली.
त्यानंतर पोलिसांनी रॉकी पात्रौ, विशाल ऊर्फ विकी पात्रौ यांच्यासह चार आरोपींना ताब्यात घेतले. यातील दोन विधी संघर्षग्रस्त बालक आहेत. पुढील तपास पोलीस उपनिरीक्षक गणेश चव्हाण करीत आहेत.