संशयित बांगलादेशींचं लोहियानगरात वास्तव्य
दोन दिवसांपूर्वी काही संशयित बांगलादेशी हे पुण्यातल्या लोहियानागर हा भागात वास्तव्यात होते. तिथल्या काही नागरिकांना ते तीन बांगलादेशी संशयित अतिरेकी असल्याचा संशय आला होता. नागरिकांनी त्यांच्या फोटो सोशियल मीडियावर व्हयरल केला होता. दरम्यान उपचारासाठी तिघांमधला एक जण कमला नेहरू रुग्णालयात गेला होता. व्हायरल झालेला फोटो कमला नेहरूमधल्या एका कर्मचाऱ्याने पहिला आणि पडताळणी केली. दुसऱ्या दिवशी म्हणजे आज बुधवारी त्या संशयित व्यक्तीला रिपोर्ट घेण्यासाठी बोलवलं सापळा रचण्यात आला. त्यानंतर तिघांना एका खोली डांबून ठेवलं. रुग्णालयात तात्काळ पोलिसांना बोलवत आरोपीनां ताब्यात घेतलं असून चौकशी सुरू आहे.
पुण्यात मंगळवारी ११.३० वाजता तीन संशयितांना बांगला भाषेत बोलताना पाहण्यात आलं होतं. त्यानंतर त्यांच्या हालचाली संशयित वाटल्याने त्यांचा व्हिडिओ काढण्यात आला आणि तो व्हायरल झाला. हे तिघं लोहियानगर येथील सोनवणे रुग्णालयाच्या भागात हे तिघं फिरत होते. त्यानंतर पोलिसांना माहिती देण्यात आली आणि सीसीटीव्हीच्या आधारे त्यांचा शोध घेण्याचं सांगण्यात आलं. तीन बांगलादेशींकडे बनावट कागदपत्र सापडल्याचीही माहिती आहे.
पोलीस उपायुक्त झोन एकने दिलेल्या प्राथमिक माहितीनुसार, हे तीन व्यक्ती मूळचे बिहारचे रहिवासी आहेत, अशी माहिती मिळाली आहे. हे तिघे २७ जुलै रोजी पुण्यात आले होते. जवळपास महिनाभरासाठी ते पुण्यात आले होते. बिहारमधल्या मदरशामध्ये ते शिकवणीचे काम करतात. मात्र ते वर्गणी गोळा करण्यासाठी पुण्यात आले होते, अशी प्राथमिक माहिती आहे. पुण्यात वर्गणी गोळा करण्यासाठी त्यांना कोढंवा भागातील मुस्लिम धार्मिक उलेमांनी परवानगी दिली आहे. त्या तिघांकडेही परवानगीचं पत्र आहे, अशी माहिती संदीप गिल यांनी दिली आहे.