Eknath Shinde Apologized On Statue Collapsed: सिंधुदुर्ग जिल्ह्यातील मालवण येथील राजकोट किल्ल्याजवळ उभारण्यात आलेला छत्रपती शिवाजी महाराज यांचा पुतळा पडल्याप्रकरणी आता मुख्यमंत्री एकनाथ शिंदे यांनी माफी मागितली आहे.
मालवणमधील राजकोट किल्ल्याजवळील छत्रपतींचा पुतळा पडल्यापासून राज्यभरात केंद्र आणि राज्य सरकारवर जोरदार टीका होत आहे. या पुतळ्या संदर्भात काल रात्री उशीरा मुख्यमंत्र्यांनी बैठक देखील बोलवली होती. मात्र हे प्रकरण शांत होताना दिसत नाही. अशात मुख्यमंत्री शिदे यांनी माफी तर मागितली त्याच बरोबर सर्वांना आवाहन देखील केले की, छत्रपती शिवाजी महाराज हे आपली अस्मिता आहेत, ते आपली श्रद्धा आहेत, त्यामुळे यावरून विरोधकांनी राजकारण करू नये. आपण सर्वांनी मिळून शिवाजी महाराजांचा मोठा पुतळा त्या ठिकाणी उभा करूयात. यासाठी सर्वांनी सहकार्य करावे असे मुख्यमंत्री म्हणाले आहेत.