SamarjeetSinh Ghatge joins Sharad Pawar NCP : समरजीतसिंह घाटगेंनी भाजपला रामराम ठोकून ‘तुतारी’ हाती घेतली असतानाच महायुतीतील दुसऱ्या घटकपक्षालाही त्याच दिवशी डबल धक्का बसण्याची शक्यता आहे.
Kolhapur Politics : कोल्हापुरात ट्रिपल धमाका, घाटगेंनी भाजप सोडला, तर दोन बडे नेतेही ‘घड्याळ’ काढण्याच्या तयारीत
शरद पवार कोल्हापूर दौऱ्यावर आहेत. त्यामुळे पवारांच्या भेटीसाठी इच्छुकांनी गर्दी केली आहे. माजी आमदार के. पी. पाटील आज पवार मुक्कामी असलेल्या हॉटेलमध्ये सकाळीच पोहचले. महाविकास आघाडीकडून उमेदवारी मिळावी, यासाठी ते पवारांशी चर्चा करणार असल्याची माहिती आहे.
देवेंद्र फडणवीसांना मोठा धक्का, समर्थक भाजप सोडण्याच्या तयारीत, काँग्रेस प्रवेशाचे संकेत
कोण आहेत के. पी. पाटील?
के. पी. पाटील हे कोल्हापुरातील राधानगरी भुदरगड विधानसभा मतदारसंघातून निवडणूक लढवण्यास उत्सुक आहेत. मात्र विद्यमान आमदार प्रकाश आबिटकर हे एकनाथ शिंदे यांच्या शिवसेनेत आहेत. विद्यमान आमदाराला पुन्हा तिकीट मिळणं निश्चित मानलं जात आहे. आता महायुतीत उमेदवारी मिळण्याची शक्यता कमी असल्याने के. पी. पाटलांनी महाविकास आघाडीचा पर्याय धुंडाळला आहे.
पाटलांनी मविआतील सर्वच पक्षांकडे उमेदवारी मागितली होती. राधानगरी मतदारसंघ शिवसेना (उद्धव बाळासाहेब ठाकरे) पक्षाला सुटण्याची चिन्हं आहेत. त्यामुळे आता के. पी. पाटील ठाकरे गटाकडून उमेदवारी मिळवणार का, याची उत्सुकता आहे.
ए वाय पाटीलही भेटीला
दुसरीकडे, ए वाय पाटीलही शरद पवार यांच्या भेटीसाठी दाखल झाले. विशेष म्हणजे के. पी. पाटील आणि ए वाय पाटील हे एकमेकांचे कट्टर राजकीय विरोधक मानले जातात. त्यांनाही राधानगरीतूनच तिकीट हवं आहे. त्यामुळे एकाच वेळी हे दोन्ही राजकीय वैरी महायुतीला रामराम ठोकून मविआत प्रवेश करतात का, त्यानंतर एकाच मतदारसंघावरुन काय खटके उडतात, याकडे सर्वांचं लक्ष आहे.