साप्ताहिक अंकशास्त्र, 23 to 29 सप्टेंबर 2024 : मूलांक 7 ऑफिसमध्ये त्रास वाढण्याची शक्यता ! मूलांक 9 नवीन प्रोजेक्ट मिळणार, कार्यक्षेत्रात प्रगती ! मूलांक 1 ते 9 साठी अंकशास्त्रानुसार जाणून घ्या तुमचे राशीभविष्य

हा आठवडा मूलांक 1 च्या जातकांसाठी आर्थिक दृष्टिकोनातून उत्तम असेल. धनलाभाचे योग असून पैसे कमविण्याचे मार्ग खुले होणार आहेत, त्याचा लाभ घ्या. ऑफिसमध्ये वातावरण चांगले आहे फक्त स्वतःवर विश्वास ठेवा आणि निर्णय घ्या त्यात तुमचा लाभ होईल. प्रेमसंबंधात सुधारणा होईल. आठवड्यातील शेवटचा काळ तुमच्यासाठी उत्तम असेल.

मूलांक 2 असणाऱ्या लोकांसाठी हा आठवडा उत्तम असून धनलाभाचे शुभ योग आहेत. तुमचे पेंडीग पेमेंट मिळाल्यामुळे तुम्हाला लाभ होईल. ऑफिसमध्ये तुमचे काम खूप वाढणार आहे त्यात फोकस महत्त्वाचा आहे तरच कामे वेळेत पूर्ण होणार. तुमच्या कामामुळे काही गैरसमज होण्याची शक्यत आहे पण तुम्ही काळजी करू नका. आठवड्याच्या शेवटी सुखसमृद्धी आणि समाधानाचे योग असून गुंतवणुकिसाठी काळ अतिशय उत्तम आहे.

मूलांक 3 असणाऱ्यांसाठी कामात विशेष करून ऑफिसच्या कामात प्रगती दिसेल. वेळ अनुकूल असून तुम्हाला प्रत्येक कामात नशिबाची साथ मिळेल. व्यवसायात तुम्हाला प्रोजेक्टमुळे शुभलाभ होणार आहे. प्रेमसंबंधांमध्ये संतूलन ठेवा तर यश मिळेल. आर्थिक स्थिती उत्तम असून धनलाभाचे योग आहेत. तुम्ही ज्येष्ठांची सेवा करा त्याचा फायदा तुम्हाला मिळेल. आई-वडिलांची काळजी घ्या कारण त्यांची तब्येत बिघडण्याची शक्यता आहे.

मूलांक 4 असणाऱ्यांसाठी आठवडा चांगला असून तुमच्या प्रेमजीवनात प्रगती होणार आहे. काही समस्या असतील तर त्या संवादाद्वारे सोडविण्याचा प्रयत्न करा. ऑफिसच्या कामात थोडी अडचण जाणवणार आहे. पण तुम्ही त्यातून मार्ग काढणार आहात. जी कामे या आठवड्यात करणार आहात त्याचा एक बॅकअप प्लॅन तयार ठेवा म्हणजे आयत्यावेळी धावपळ होणार नाही. आठवड्याच्या शेवटी तुम्ही नवीन काहीतरी शिकणार आहात. त्यामुळे तुम्हाला ऑफिस आणि व्यवसायात फायदा होईल.

हा आठवडा मूलांक 5 साठी चांगला असून तुम्ही सुखी होणार आहात. ऑफिसमध्ये तुमची जबाबदारी वाढणार आहे. तसेच तुमचा मानसन्मान वाढेल. आर्थिक गोष्टी हळूहळू सुधारणार आहेत फक्त संयम ठेवा. धनलाभाचे योग आहेत त्याचा लाभ घ्या. प्रेमसंबंध अधिक दृढ होतील. कुटुंबात वातावरण आनंदी असून सुखसमाधान असणार आहे. व्यवसाया वाढीचा विचार कराल फक्त नियोजन नीट करा.

मूलांक 6 च्या जातकांसाठी हा आठवडा संमिश्र आहे. तुम्हाला चांगले आणि वाईट असे दोन्ही अनुभव येणार आहेत. ऑफिसमध्ये तुम्ही केलेली मेहनत फलदायी ठरणार आहे. तुम्ही जीवनात मार्गक्रमण करताना संयम ठेवा, तुम्हाला फळ नक्की मिळेल. आर्थिक दृष्टिकोनातून धनलाभ आहे पण प्रवासात जास्त खर्च होण्याची शक्यता आहे. प्रेमसंबंधात छोटी मोठी भांडणे होतील, पण काळजी करु नका सगळे काही ठिक होईल.

मूलांक 7 असणाऱ्या लोकांसाठी हा आठवडा शुभलाभाचा आणि प्रगतीचा आहे. ऑफिसमध्ये तुमचा त्रास वाढण्याची शक्यता आहे. विरोधक डोके वर काढणार आहेत. त्यामुळे तुम्ही कामात सतर्क राहा आणि विशेष लक्ष द्या. घरात वातावरण ठिक असेल फक्त आठवड्याच्या शेवटी तुमचे मन दुखावले जावू शकते असे काही घडणार आहे. तुम्ही जास्त भावनिक होवू नका.

मूलांक 8 साठी दिवस चांगला असून तुमच्या सन्मानात वाढ होणार आहे. या आठवड्यात तुमचे प्रोजेक्ट वेळेत पूर्ण होईल आणि त्यामुळे तुमच्या प्रगतीचे मार्ग खुले होतील. आर्थिक बाबींसाठी आठवडा शुभलाभाचा असून बँक बॅलेन्स वाढणार आहे. आठवड्याच्या शेवटी तुमच्यामुळे घरात किंवा कार्यक्षेत्रात गैरसमज होण्याची शक्यता आहे. तुम्ही संवादाद्वारे यातून मार्ग काढा.

मूलांक 9 साठी हा आठवडा अतिशय उत्तम आहे. तुम्हाला नवीन प्रोजेक्ट मिळणार आहेत तसेच तुमच्या कार्यक्षेत्रात प्रगती होणार आहे. तुमच्या मेहनतीचे फळ तुम्हाला मिळणार आहे. तुम्ही गेले काही दिवस खूप काम करत आहात, त्याचा फायदा या आठवड्यात मिळणार, त्यामुळे तुमचा आत्मविश्वास द्विगुणीत होईल. आर्थिक स्थिती ठिक असेल पण आठवड्याच्या शेवटी प्रतिकूल परिस्थितीचा सामना करावा लागू शकतो, पण तुम्ही त्यातून नक्की मार्ग काढाल. कुटुंबात वातावरण ठिक असेल.