Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
साप्ताहिक अंकशास्त्र, 23 to 29 सप्टेंबर 2024 : मूलांक 7 ऑफिसमध्ये त्रास वाढण्याची शक्यता ! मूलांक 9 नवीन प्रोजेक्ट मिळणार, कार्यक्षेत्रात प्रगती ! मूलांक 1 ते 9 साठी अंकशास्त्रानुसार जाणून घ्या तुमचे राशीभविष्य
Weekly Numerology Prediction 23 to 29 Sept 2024 : अंक ज्योतिषानुसार या आठवड्यात बुध ग्रह कन्या राशीत संक्रमण करणार आहे. तिथे आधीच सूर्य उपस्थित आहे. त्यामुळे बुधादित्य राजयोग तयार होईल. या आठवड्यात बुधादित्य राजयोगाचा प्रभाव सर्व मूलांकावर दिसून येईल. मूलांक 1, 3, 5, 6 आणि मूलांक 9 साठी आठवडा उत्तम असून कामे मार्गी लागणार आहेत.मूलांक 4, 7 आणि 8 यांचा खर्च जास्त होणार आहे. ऑफिसचे काम वाढणार असून कामात फोकस ठेवा. तुमचा मूलाकं काय सांगतो? मूलांक 1 ते मूलांक 9 साठी आठवडा कसा असेल ते पाहूया.
मूलांक 1 (जन्म तारीख 1, 10, 19, 28): धनलाभाचे योग, कामे मार्गी लागणार
हा आठवडा मूलांक 1 च्या जातकांसाठी आर्थिक दृष्टिकोनातून उत्तम असेल. धनलाभाचे योग असून पैसे कमविण्याचे मार्ग खुले होणार आहेत, त्याचा लाभ घ्या. ऑफिसमध्ये वातावरण चांगले आहे फक्त स्वतःवर विश्वास ठेवा आणि निर्णय घ्या त्यात तुमचा लाभ होईल. प्रेमसंबंधात सुधारणा होईल. आठवड्यातील शेवटचा काळ तुमच्यासाठी उत्तम असेल.
मूलांक 2 (जन्म तारीख 2, 11, 20, 29): कामात फोकस ठेवा, कामे मार्गी लागतील
मूलांक 2 असणाऱ्या लोकांसाठी हा आठवडा उत्तम असून धनलाभाचे शुभ योग आहेत. तुमचे पेंडीग पेमेंट मिळाल्यामुळे तुम्हाला लाभ होईल. ऑफिसमध्ये तुमचे काम खूप वाढणार आहे त्यात फोकस महत्त्वाचा आहे तरच कामे वेळेत पूर्ण होणार. तुमच्या कामामुळे काही गैरसमज होण्याची शक्यत आहे पण तुम्ही काळजी करू नका. आठवड्याच्या शेवटी सुखसमृद्धी आणि समाधानाचे योग असून गुंतवणुकिसाठी काळ अतिशय उत्तम आहे.
मूलांक 3 (जन्म तारीख 3, 12, 21, 30): नशिबाची साथ, ऑफिसच्या कामात प्रगती
मूलांक 3 असणाऱ्यांसाठी कामात विशेष करून ऑफिसच्या कामात प्रगती दिसेल. वेळ अनुकूल असून तुम्हाला प्रत्येक कामात नशिबाची साथ मिळेल. व्यवसायात तुम्हाला प्रोजेक्टमुळे शुभलाभ होणार आहे. प्रेमसंबंधांमध्ये संतूलन ठेवा तर यश मिळेल. आर्थिक स्थिती उत्तम असून धनलाभाचे योग आहेत. तुम्ही ज्येष्ठांची सेवा करा त्याचा फायदा तुम्हाला मिळेल. आई-वडिलांची काळजी घ्या कारण त्यांची तब्येत बिघडण्याची शक्यता आहे.
मूलांक 4 (जन्म तारीख 4, 13, 22, 31): बॅकअप प्लॅन तयार ठेवा
मूलांक 4 असणाऱ्यांसाठी आठवडा चांगला असून तुमच्या प्रेमजीवनात प्रगती होणार आहे. काही समस्या असतील तर त्या संवादाद्वारे सोडविण्याचा प्रयत्न करा. ऑफिसच्या कामात थोडी अडचण जाणवणार आहे. पण तुम्ही त्यातून मार्ग काढणार आहात. जी कामे या आठवड्यात करणार आहात त्याचा एक बॅकअप प्लॅन तयार ठेवा म्हणजे आयत्यावेळी धावपळ होणार नाही. आठवड्याच्या शेवटी तुम्ही नवीन काहीतरी शिकणार आहात. त्यामुळे तुम्हाला ऑफिस आणि व्यवसायात फायदा होईल.
मूलांक 5 (जन्म तारीख 5, 14, 23): ऑफिसमध्ये जबाबदारी वाढणार
हा आठवडा मूलांक 5 साठी चांगला असून तुम्ही सुखी होणार आहात. ऑफिसमध्ये तुमची जबाबदारी वाढणार आहे. तसेच तुमचा मानसन्मान वाढेल. आर्थिक गोष्टी हळूहळू सुधारणार आहेत फक्त संयम ठेवा. धनलाभाचे योग आहेत त्याचा लाभ घ्या. प्रेमसंबंध अधिक दृढ होतील. कुटुंबात वातावरण आनंदी असून सुखसमाधान असणार आहे. व्यवसाया वाढीचा विचार कराल फक्त नियोजन नीट करा.
मूलांक 6 (जन्म तारीख 6, 15, 24): ऑफिसमध्ये कामात यश, प्रवासात खर्च होणार
मूलांक 6 च्या जातकांसाठी हा आठवडा संमिश्र आहे. तुम्हाला चांगले आणि वाईट असे दोन्ही अनुभव येणार आहेत. ऑफिसमध्ये तुम्ही केलेली मेहनत फलदायी ठरणार आहे. तुम्ही जीवनात मार्गक्रमण करताना संयम ठेवा, तुम्हाला फळ नक्की मिळेल. आर्थिक दृष्टिकोनातून धनलाभ आहे पण प्रवासात जास्त खर्च होण्याची शक्यता आहे. प्रेमसंबंधात छोटी मोठी भांडणे होतील, पण काळजी करु नका सगळे काही ठिक होईल.
मूलांक 7 (जन्म तारीख 7, 16, 25):ऑफिसमध्ये त्रास वाढण्याची शक्यता
मूलांक 7 असणाऱ्या लोकांसाठी हा आठवडा शुभलाभाचा आणि प्रगतीचा आहे. ऑफिसमध्ये तुमचा त्रास वाढण्याची शक्यता आहे. विरोधक डोके वर काढणार आहेत. त्यामुळे तुम्ही कामात सतर्क राहा आणि विशेष लक्ष द्या. घरात वातावरण ठिक असेल फक्त आठवड्याच्या शेवटी तुमचे मन दुखावले जावू शकते असे काही घडणार आहे. तुम्ही जास्त भावनिक होवू नका.
मूलांक 8 (जन्म तारीख 8, 17, 26): गैरसमज होण्याची शक्यता, संवाद महत्त्वाचा
मूलांक 8 साठी दिवस चांगला असून तुमच्या सन्मानात वाढ होणार आहे. या आठवड्यात तुमचे प्रोजेक्ट वेळेत पूर्ण होईल आणि त्यामुळे तुमच्या प्रगतीचे मार्ग खुले होतील. आर्थिक बाबींसाठी आठवडा शुभलाभाचा असून बँक बॅलेन्स वाढणार आहे. आठवड्याच्या शेवटी तुमच्यामुळे घरात किंवा कार्यक्षेत्रात गैरसमज होण्याची शक्यता आहे. तुम्ही संवादाद्वारे यातून मार्ग काढा.
मूलांक 9 (जन्म तारीख 9, 18, 27): नवीन प्रोजेक्ट मिळणार, कार्यक्षेत्रात प्रगती
मूलांक 9 साठी हा आठवडा अतिशय उत्तम आहे. तुम्हाला नवीन प्रोजेक्ट मिळणार आहेत तसेच तुमच्या कार्यक्षेत्रात प्रगती होणार आहे. तुमच्या मेहनतीचे फळ तुम्हाला मिळणार आहे. तुम्ही गेले काही दिवस खूप काम करत आहात, त्याचा फायदा या आठवड्यात मिळणार, त्यामुळे तुमचा आत्मविश्वास द्विगुणीत होईल. आर्थिक स्थिती ठिक असेल पण आठवड्याच्या शेवटी प्रतिकूल परिस्थितीचा सामना करावा लागू शकतो, पण तुम्ही त्यातून नक्की मार्ग काढाल. कुटुंबात वातावरण ठिक असेल.
लेखकाबद्दलअनिता किंदळेकरअनिता किंदळेकर जवळपास १५ वर्षांपासून प्रिंट, टेलिव्हिजन आणि डिजीटल माध्यमात पत्रकार, कंटेट रायटर, एआय लँग्वेज टुटर, भाषांतरकार, ब्लॉगर, म्हणून कार्यरत आहे. बातम्यांसह विविध विषयांवर लेख लिहीणे आणि भाषांतराचा उत्तम अनुभव आहे. विशेष करुन आध्यात्मिक, धार्मिक आणि सण-वार-उत्सव यासंबंधी अचूक माहिती घेवून सोप्या भाषेत वाचकांपर्यंत पोहोचवण्यात पारंगत आहे. एआयसाठी विविध विषयांवर आधारित कन्टेन्ट तयार करणे आणि रेकॉर्डिंग केले आहे. वाचन,मेडिटेशन, योगामध्ये रुची असून कथा लेखन करायला आवडते. अनेकदा ब्लॉगच्या माध्यमातून ती आपल्या भावना व्यक्त करते…. आणखी वाचा