Chhatrapati Sambhajinagar News: आचारसंहितेचा भंग होत असेल तर नागरिकांनी प्रशासनास तत्काळ माहिती द्यावी, यासाठी १९५० हा टोल फ्री क्रमांकही देण्यात आला आहे.
केंद्रीय निवडणूक आयोगाने १५ ऑक्टोबर रोजी निवडणुकीची घोषणा केली असून, तेव्हापासून आदर्श आचासंहिता लागू झाली आहे. आचारसंहितेचा भंग होत असेल तर नागरिकांनी प्रशासनास तत्काळ माहिती द्यावी, यासाठी १९५० हा टोल फ्री क्रमांकही देण्यात आला आहे. यासह सी व्हिजिल या अॅपच्या माध्यमातून आचारसंहिता भंगाच्या तक्रारी प्रशासनापर्यंत पोहोचवू शकतात, अशी माहिती कटके यांनी दिली. दरम्यान, जिल्ह्यात ९९ स्थिर सर्वेक्षण पथके, ११८ फिरते पथक, ४६ व्हिडिओग्राफी पथक, १३ व्हिडिओ फुटेज तपासणी पथक कार्यान्वित असून महत्त्वाच्या ठिकाणी चेकपोस्ट नाके आहेत.
‘पैशांचा गैरवापर प्राप्तिकर विभागाला कळवा’
विधानसभा निवडणूक २०२४ च्या दरम्यान काळ्या पैशाचा वापर रोखण्यासाठी प्राप्तिकर विभाग अलर्ट मोडवर आला आहे. निवडणूकीत रोख रकमेचा वापर, वाटप, रकमेची वाहतुक अशा बाबतीत नागरिकांनी विभागाला माहिती द्यावी, माहिती देणाऱ्याची ओळख गुप्त ठेवण्यात येईल, असेही विभागाने पत्रकाद्वारे नमूद केले. ही माहिती टोल फ्री क्रमांक १८००-२३३-०३५५, १८००-२३३-०३५६ वर माहिती द्यावी तसेच ९४०३३९०९८० या व्हॉट्सअॅप क्रमांकावर उपलब्ध असलेली छायाचित्रे, व्हिडीओ पाठवावीत, तसेच nagpur addidit.inv@incometax.gov.in व nashik addidit.inv@incometax.gov.in या इमेलवरही माहिती देऊ शकता. माहिती देणाऱ्या व्यक्तिचे नाव गुप्त ठेवले जाईल, असे जिल्हा अग्रणी व्यवस्थापक मंगेश केदार यांनी नमूद केले.
आचारसंहिता अंमलबजावणीसाठी नियुक्त भरारी पथके, स्थिर पथके, व्हिडिओ पथके नियुक्त करण्यात आलेली आहे. त्याद्वारे करडी नजर ठेवली जात आहे. आचारसंहितेचे कुठे भंग होत असेल तर नागरिकांनी सी-व्हिजिल अॅपवर; तसेच १९५० या टोल फ्री क्रमांकावर तक्रार करू शकतात. नागरिकांनी या सुविधांचा वापर करावा. – देवेंद्र कटके, उपजिल्हा निवडणूक अधिकारी