यंदाची दिवाळी बॉलिवूडसाठी खास ठरली आहे. ‘भूल भुलय्या 3’ आणि सिंघम अगेन हे दोन्ही सिनेमे रिलीज झाले आहेत. भूल भुलय्या ३ चा पहिल्या दिवशीचा बॉक्स ऑफिस रिपोर्ट जाणून घेऊ,
हायलाइट्स:
- दिवाळीला रिलीज झालेल्या ‘भूल भुलय्या ३’ ने बॉक्स ऑफिसवर धमाकेदार कमाई केली.
- कार्तिक आर्यनची सिनेमात प्रमुख भूमिका
- या चित्रपटात विद्या बालन पुन्हा एकदा मंजुलिकाच्या भूमिकेत दिसल्याने प्रेक्षक खुश
‘भूल भुलय्या ३’ ची पहिल्या दिवशी कमाई
Sacnilk रिपोर्टनुसार, या चित्रपटाची जबरदस्त अडव्हान्स बुकिंग झाली होती. हा चित्रपट दिवाळीला प्रदर्शित झाला. रिलीज होताच त्याने सुमारे ३५.५० कोटींची मोठी कमाई केली. ही कमाई ‘भूल भुलय्या’च्या आधीच्या दोन चित्रपटांपेक्षा खूप जास्त आहे.
‘भूल भुलय्या ३’ चे जगभरातील कलेक्शन
जगभरातील कलेक्शनबद्दल बोलायचे झाल्यास, त्याचे ठोस आकडे अद्याप समोर आलेले नाही. हा सिनेमा अधिक भयावह वाटावा यासाठी यंदा व्हीएफएक्सवर चांगले काम करण्यात आले आहे. रूह बाबा म्हणून कार्तिक प्रेक्षकांचे चांगलाच पसंतीस उतरताना दिसत आहे. माधुरी दीक्षित पाहुणी कलाकाराच्या भूमिकेत दिसत असली तरी ती पहिल्यांदाच ग्रे शेड्स साकारत आहे. माधुरीच्या भूमिकेचेही कौतुक होत आहे.
आधीच्या दोन भागांपेक्षा हिट ठरला भूल भुलय्या ३, दिवाळीत डबल धमाका,बॉलिवूड बॉक्स ऑफिसवर पैशाचा पाऊस
राजपाल यादव आणि संजय मिश्रा
या चित्रपटात छोट्या पंडितच्या भूमिकेत राजपाल यादव, अश्विनी काळसेकर आणि मोठ्या पंडितच्या भूमिकेत संजय मिश्रा यांनी धमाल उडवून दिली आहे. जवळपास १५० कोटींच्या बजेटमध्ये हा चित्रपट बनवण्यात आला असल्याचं सांगण्यात येत आहे. पहिल्याच आठवड्यात जर का सिनेमाने बंपर कमाई केल्यास तो नक्कीच सुपरहिट ठरू शकतो.