Pune Bike Collide With Each Other: पुण्यात फटाक्यांच्या धुरामुळे दोन बाईकची टक्कर झाली आणि बाईकवरील चौघे उडून बाजूला फेकले गेले. या घटनेचा धडकी भरवणारा व्हिडिओ आता समोर आला आहे.
चक्रधर संतोष कांचन, क्षितिज राहुल जाधव (वय- १८, रा. दोघेही उरुळी कांचन), सिद्धांत नवनाथ सातव (वय- २) व प्रतिक संतोष साठे (वय- २०) असं अपघातात जखमी झालेल्या चौघांची नावं आहेत. यातील सिद्धांत सातव याच्या डोक्याला मार लागल्याने तो गंभीर जखमी झाला आहे.
याबाबत मिळालेल्या माहितीनुसार, चक्रधर कांचन आणि त्याचा मित्र क्षितिज जाधव हे दोघेजण बुलेट गाडीवर आश्रम रोडने निघाले होते. तर सिद्धांत सातव आणि प्रतिक साठे हे दोघेजण इलेक्ट्रिक गाडीवर भवरापूरवरून उरुळी कांचन येथे काही कामानिमित्त निघाले होते. यावेळी आश्रम रोडवर जुन्या ठिकाणी असलेल्या एचडीएफसी बँकेसमोर एका दुकानाचे उद्घाटन सुरू होते. यावेळी त्या ठिकाणी काही नागरिक रस्त्यावर फटाके वाजवत होते. त्यामुळे रस्ता पूर्णपणे हा धुरमय झाला होता. यावेळी अचानक पेटलेला फटाका दुचाकी चालकाला दिसला.
Pune News: धूर अन् धडाम…. फटाक्यांमुळे दुचाकींची जोरदार धडक, चौघे उडाले, मग… पुण्यातील थरारक VIDEO
दरम्यान, पेटवलेला फटाका वाचवताना आश्रम रोडने आलेल्या दुचाकीने सोलापूर हायवेकडे जाणाऱ्या दुचाकीला जोरदार धडक दिली. हा अपघात इतका भीषण होता की, दुचाकीवरील चौघेही उडून बाजूला पडले. या अपघातात चौघेही गंभीर जखमी झाले असून त्यांना तात्काळ सिद्धिविनायक रुग्णालयात नागरिकांच्या मदतीने दाखल करण्यात आले आहे. त्यांच्यावर विविध रुग्णालयात उपचार सुरू आहेत.