Sanjay Varma IPS : महाराष्ट्र विधानसभा निवडणुकीच्या पार्श्वभूमीवर राज्याच्या पोलीस दलात मोठा बदल करण्यात आला आहे. रश्मी शुक्ला यांच्या जागी संजय वर्मा यांची राज्याच्या नवीन पोलीस महासंचालकपदी नियुक्ती करण्यात आली आहे. विरोधकांकडून रश्मी शुक्ला यांच्यावर सातत्याने टीका केली जात होती. शेवटी त्यांची बदली करण्यात आलीये.
हायलाइट्स:
महाराष्ट्र टाइम्स.कॉमSanjay varma
मुंबई : महाराष्ट्रामध्ये विधानसभा निवडणुकांचे बिगुल वाजले आहे. उमेदवारी अर्ज मागे घेण्याची तारीख देखील संपलीये. अनेक ठिकाणी बंडखोरी देखील बघायला मिळतंय. एकंदरीतच काय तर राज्यात निवडणुकीचे वारे वाहू लागले आहे. आता राज्यातील निवडणुकीदरम्यानच केंद्रीय निवडणूक आयोगाकडून आयपीएस संजय वर्मा यांची नवीन डीजीपी म्हणून नियुक्ती करण्यात आलीये. संजय वर्मा यांची नियुक्ती ही रश्मी शुक्ला यांच्या जागी करण्यात आलीये. गेल्या काही दिवसांपासून रश्मी शुक्ला यांच्या बदलीची मागणी ही विरोधकांकडून सातत्याने केली जात होती. यादरम्यानच केंद्रीय निवडणूक आयोगाकडून रश्मी शुक्ला यांची बदली करण्यात आली. रश्मी शुक्ला यांच्या बदलीचे आदेश केंद्रीय निवडणूक आयोगाकडून देण्यात आले. महाराष्ट्राच्या पोलीस महासंचालकपदी आता संजय वर्मा यांची बदली झाली. रश्मी शुक्ला यांच्या जागी बदली झालेले संजय वर्मा नेमके कोण आहेत, याबद्दल जाणून घेऊयात. संजय वर्मा हे मूळ उत्तर प्रदेशचे आहेत. बीई मेकॅनिकलपर्यंत त्यांचे शिक्षण झाले. संजय कुमार वर्मा यांचा जन्म 23 एप्रिल 1968 रोजी झाला. काँग्रेस आणि शिवसेनेकडून सातत्याने रश्मी शुक्ला यांना हटवण्याची मागणी ही केली जात होती. शेवटी केंद्रीय निवडणूक आयोगाने रश्मी शुक्ला यांच्या बदलीचे आदेश काढले. रश्मी शुक्ला यांच्यावर विरोधकांकडून काही गंभीर आरोप हे करण्यात आले. रश्मी शुक्ला यांच्या बदलीच्या अगोदर आयोगाकडून राज्याच्या मुख्य सचिव सुजाता सैनिक यांच्याकडून तीन वरिष्ठ अधिकाऱ्यांची नावे मागवण्यात आली होती. Sanjay Raut : बाळासाहेब ठाकरे राज ठाकरेंना माफ करणार नाहीत, संजय राऊत असं का म्हणाले? नेते आणि मंत्र्यांचे फोन टॅपिंगचे आरोपही रश्मी शुक्ला यांच्यावर झाली आहेत. काँग्रेस प्रदेशाध्यक्ष नाना पटोले यांनी रश्मी शुक्ला यांच्या बदलीची मागणी केली होती. हेच नाही तर जून 2024 लाच रश्मी शुक्ला यांचा कार्यकाळ संपलेला असताना जानेवारी 2026 पर्यंत सरकारकडून वाढून देण्यात आला. नाना पटोले यांनी थेट म्हटले होते की, रश्मी शुक्ला यांची बढती नियमबाह्य आहे. त्यामध्येच आता त्यांची बदली करण्यात आलीये.
Sanjay Varma : रश्मी शुक्ला यांच्या जागी नियुक्त झालेले आयपीएस संजय वर्मा आहेत तरी कोण? जाणून घ्या संपूर्ण माहिती
नाना पटोले आणि संजय राऊत यांच्याकडून कायमच भाजपाला मदत करणाऱ्या अधिकारी म्हणून रश्मी शुक्ला यांच्यावर आरोप करण्यात आले. त्यामध्येच विधानसभा निवडणूकीच्या पार्श्मभूमीवर रश्मी शुक्ला यांची बदली करण्यात आलीये. रश्मी शुक्ला असताना विधानसभेची निवडणूक ही निपक्षपणे होऊ शकणार नसल्याचे थेट काँग्रेसकडून म्हणण्यात आले होते. याचवर्षी जानेवारी महिन्यातच रश्मी शुक्ला यांना महाराष्ट्राच्या पोलीस महासंचालकपदी नियुक्त करण्यात आले होते.
लेखकाबद्दलहरिश मालुसरे महाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. क्रीडा, राजकीय आणि क्राईम बातम्यांमध्ये विशेष आवड. झी 24 तास आणि टीव्ही9 मराठीसह पत्रकारिता क्षेत्रात 04 वर्षांचा अनुभव…. आणखी वाचा