Shahaji Raje Chhatrapati : संभाजीराजे छत्रपती यांचे सुपुत्र शाहजीराजे छत्रपती हे निवडणुकीच्या रिंगणात उतरुन प्रचार करणार आहेत. ते तिसऱ्या आघाडीसाठी स्टार प्रचारक असणार आहेत.
दरम्यान, प्रचारासाठी तिसरी आघाडीही सज्ज झाली आहे. या निवडणुकीच्या पार्श्वभूमीवर संभाजीराजे छत्रपती यांचे सुपुत्र शहाजीराजे छत्रपती हे देखील निवडणुकीच्या रिंगणात असणार आहेत.
राज्यात जनतेला पर्याय देण्यासाठी तिसरी आघाडी एकत्र आली आहे. या आघाडीत संभाजीराजे छत्रपती, बचू कडू आणि शेतकरी नेते राजू शेट्टी असे तीन नेते सामील आहेत. परिवर्तन महाशक्तीने राज्यात १०० हून अधिक उमेदवार उभे केले आहेत, त्यामुळे त्यांच्या उमेदवारांमुळे कोणाला फटका बसेल याकडे लक्ष आहे. उमेदवारीनंतर प्रचाराला जोरदार सुरुवात झाली आहे आणि स्टार प्रचारकांची यादीही जाहीर केली आहे.
स्टार प्रचारकांच्या यादीत संभाजीराजे छत्रपती यांचे सुपुत्र शहाजी छत्रपती यांचाही समावेश आहे. त्यामुळे छत्रपती घराण्यातील तिसरी पिढीही निवडणुकीच्या रिंगणात उतरली आहे, अशी चर्चा राजकीय वर्तुळात आहे.
Pune News : संभाजीराजे छत्रपती यांचे सुपुत्र निवडणुकीच्या रिंगणात, तिसऱ्या आघाडीसाठी करणार प्रचार
स्टार प्रचारकांच्या यादीत सात नावांचा समावेश आहे, ज्यात स्वराज्य पक्षाचे सरचिटणीस धनंजय जाधव, दलितांचा आवाज दीपक केदार, स्वराज्य पक्षाची मुलुखमैदान तोफ महादेव तळेकर, शेतकरी चळवळीतील पूजा मोरे आणि संजय पोवार हे देखील राज्यभर प्रचाराचा धडाका लावणार आहेत.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड…. आणखी वाचा