संभाजीराजे छत्रपती यांचे सुपुत्र निवडणुकीच्या रिंगणात, तिसऱ्या आघाडीसाठी करणार प्रचार

दरम्यान, प्रचारासाठी तिसरी आघाडीही सज्ज झाली आहे. या निवडणुकीच्या पार्श्वभूमीवर संभाजीराजे छत्रपती यांचे सुपुत्र शहाजीराजे छत्रपती हे देखील निवडणुकीच्या रिंगणात असणार आहेत.
विधानसभा निवडणूक एक युद्ध, विरोधकांना धूळ चारण्यास सज्ज व्हा; ज्योतिरादित्य शिंदेंचे आवाहन
राज्यात जनतेला पर्याय देण्यासाठी तिसरी आघाडी एकत्र आली आहे. या आघाडीत संभाजीराजे छत्रपती, बचू कडू आणि शेतकरी नेते राजू शेट्टी असे तीन नेते सामील आहेत. परिवर्तन महाशक्तीने राज्यात १०० हून अधिक उमेदवार उभे केले आहेत, त्यामुळे त्यांच्या उमेदवारांमुळे कोणाला फटका बसेल याकडे लक्ष आहे. उमेदवारीनंतर प्रचाराला जोरदार सुरुवात झाली आहे आणि स्टार प्रचारकांची यादीही जाहीर केली आहे.
शरद पवारांच्या शिलेदाराने बॉम्ब टाकला! माजी आमदार करणार भाजपच्या उमेदवाराचा प्रचार, काँग्रेसची डोकेदुखी वाढवली
स्टार प्रचारकांच्या यादीत संभाजीराजे छत्रपती यांचे सुपुत्र शहाजी छत्रपती यांचाही समावेश आहे. त्यामुळे छत्रपती घराण्यातील तिसरी पिढीही निवडणुकीच्या रिंगणात उतरली आहे, अशी चर्चा राजकीय वर्तुळात आहे.

स्टार प्रचारकांच्या यादीत सात नावांचा समावेश आहे, ज्यात स्वराज्य पक्षाचे सरचिटणीस धनंजय जाधव, दलितांचा आवाज दीपक केदार, स्वराज्य पक्षाची मुलुखमैदान तोफ महादेव तळेकर, शेतकरी चळवळीतील पूजा मोरे आणि संजय पोवार हे देखील राज्यभर प्रचाराचा धडाका लावणार आहेत.