Washim Crime News: गवळी कुटुंबीयांची नंधाना गावात शेती आहे. एकनाथ आणि नंदकिशोर गवळी यांनी शेतात सोयाबीन पेरले होते. त्याला खतपाणी देऊन वाढवले होते.
हायलाइट्स:
मुलगा बेपत्ता असल्याची आई तक्रार
लेक घरी येण्याची मायेला आस
पण मृतदेह बघितल्यावर…
Lipiशेतीच्या वादातून भावाची हत्या
पंकज गाडेकर ,वाशिम : मोठा मुलगा बेपत्ता झाल्याची तक्रार आईने पोलीस स्टेशनमध्ये दिली. मात्र मुलगा बेपत्ता झाला नसून सख्या भावंडांनी त्याची निर्घृण हत्या केल्याची बाब समोर आल्यानंतर आईला मोठा धक्का बसला आहे. वाशिम जिल्ह्यातील नंधाना येथील ऍड. रघुनाथ आत्माराम गवळी हे बेपत्ता झाल्याची तक्रार ५ नोव्हेंबर रोजी त्यांच्या आईने शिरपूर पोलीस स्टेशनमध्ये दिली होती. पोलीस त्यांचा शोध घेत होते. दरम्यान बुलढाणा जिल्ह्यातील किनगाव जवळील खडकपूर्णा नदीमध्ये एका अनोळखी व्यक्तीचा मृतदेह ८ नोव्हेंबर रोजी आढळून आला. मृतदेहाची ओळख पटवत सदर मृतदेह हा नंधाना येथील बेपत्ता ऍड. रघुनाथ गवळी यांचा असल्याचे समोर आले. रघुनाथ यांचा घातपात झाल्याची शंका पोलिसांना आल्यानंतर पोलिसांनी त्यांचा लहान भाऊ नंदकिशोर आत्माराम गवळी यांना संशयित आरोपी म्हणून ताब्यात घेतले. पोलिसांनी नंदकिशोरची कसून चौकशी केली असता त्याने भावाची कुऱ्हाडीने हत्या करून मृतदेह ड्रममध्ये टाकून खडकापूर्णा नदीत फेकून दिल्याची तोंडी माहिती दिली. यावरून पोलिसांनी नंदकिशोर आत्माराम गवळी आणि एकनाथ आत्माराम गवळी याला पुण्यातून ताब्यात घेतले असून पुढील तपास करत आहे. Mahayuti Manifesto 2024 : भाजपच्या जाहीरनाम्यात महिला आणि आशा सेविकांसाठी सर्वात मोठी घोषणा, नेमकी काय?
शेतातील सोयाबीन काढून नेल्याने केली हत्या
गवळी कुटुंबीयांची नंधाना गावात शेती आहे. एकनाथ आणि नंदकिशोर गवळी यांनी शेतात सोयाबीन पेरले होते. त्याला खतपाणी देऊन वाढवले होते. मात्र सोयाबीन काढणीला आल्यानंतर मृतक ऍड. रघुनाथ गवळी यांनी सोयाबीन काढून नेल्याने लहान दोन्ही भावांना त्याचा राग आला आणि रागाच्या भरात त्यांनी मोठ्या भावाची कुऱ्हाडीने हत्या केली आणि त्याचा मृतदेह ड्रममध्ये टाकून बुलढाणा जिल्ह्यातील खडकपुर्णा नदीत फेकून दिला.
बेपत्ता मुलगा घरी येण्याची आईला आस, मात्र त्याचा मृतदेहच…
बेपत्ता झालेला मोठा मुलगा घरी परत येईल अशी आस लाऊन बसलेल्या आई समोर त्याचा मृतदेहच आल्याने आणि धाकट्या मुलांनीच त्याची हत्या केल्याची माहिती समोर आल्याने आईला मोठा धक्का बसला. संपत्तीच्या वादातून सख्या भावाभावात भांडत होत असल्याच्या घटना समोर येत आहेत. यातील काही भांडण टोकाला जाऊन जीवावर बेतत असल्याचं या घटनेतून निष्पन्न होते.
लेखकाबद्दलप्रशांत पाटीलप्रशांत पाटील यांना डिजिटल पत्रकारिता क्षेत्रात ३ वर्षांचा अनुभव आहे. ते ‘महाराष्ट्र टाइम्स ऑनलाइन’मध्ये कंटेंट प्रोड्यूसर म्हणून कार्यरत आहेत. याआधी थोडक्यात, आधान न्यूज वेबपोर्टलमध्ये डेस्कवर काम केलंय. महाराष्ट्रातील घडामोडी बघतात…. आणखी वाचा