शिव ठाकरे नव्हे त्याचा मित्र होणार बिग बॉसचा विजेता? टॉप ५ मध्ये ठरला अव्वल

मुंबई: बिग बॉस १६ चे हे पर्व संपण्यासाठी अवघे काहीच दिवस शिल्लक राहिले आहेत. १२ फेब्रुवारी रोजी या पर्वाचा विजेता कोण ठरेल हे स्पष्ट होईल. मात्र त्यापूर्वी गेल्या एपिसोडमध्ये अभिनेत्री सुंबूल तौकीर खान घराबाहेर गेली. त्यामुळे १६ व्या पर्वाचे टॉप १६ स्पर्धक कोण आहेत, हे निश्चित झाले आहे. आता महाअंतिम सोहळ्यासाठी टॉप ५ कोण असेल अशी चर्चा लगेच रंगू लागली आहे. मात्र ऑरमॅक्सच्या रिपोर्टनुसार हेही स्पष्ट झाले आहे. शिव ठाकरे, एमसी स्टॅन, निम्रित कौर आहलुवालिया, शालीन भनोट आणि प्रियंका चाहर चौधरी यांच्यापैकी टॉप ५ मध्ये कोण जागा मिळवेल हे पाहणं महत्त्वाचं ठरेल.

हे वाचा-शालीनची एक्स वाइफ दुसऱ्यांदा चढणार बोहल्यावर! लग्नानंतर अभिनेत्री सोडणार देश

याआधी २१ जानेवारी ते २७ जानेवारीपर्यंत बिग बॉस १६ मध्ये कोण टॉप ५ आहे, याची यादी ऑरमॅक्सने जाहीर केलेली. ज्यानुसार प्रियंका पहिल्या स्थानी, दुसऱ्या क्रमांकावर एमसी स्टॅन, त्यानंतर शिव तिसऱ्या स्थानी, चौथ्या आणि पाचव्या स्थानी अर्चना गौतम आणि टीना दत्ता होते. टीना घराबाहेर गेली असून, या आठवड्यात सुंबूलही बाहेर पडली.

दरम्यान ऑरमॅक्सच्या नव्या यादीनुसार, ज्यामध्ये २८ जानेवारी ते ३ फेब्रुवारी दरम्यान कोण टॉप ५ आहे हे सांगण्यात आले आहे. यानुसार प्रियंकाची जागा घसरली असून, बिग बॉस मंडलीने बाजी मारली.

हे वाचा-कॅन्सरला हरवलं पण मेंदू आणि हृदयासमोर हरली; पंचविशीत अभिनेत्रीला मृत्यूने गाठलं

कोण आहेत टॉप ५ ?

ऑरमॅक्स मीडियाच्या लेटेस्ट रिपोर्टनुसार, टॉप ५ यादीत पहिल्या क्रमांकावर एमसी स्टॅन तर दुसऱ्या जागी प्रियंका आहे. अर्थात प्रियंकाला मागे टाकत स्टॅनने ही जागा मिळवली. शिव ठाकरे याही आठवड्यात तिसऱ्या स्थानी आहे. चौथ्या स्थानी निम्रित असून पाचव्या स्थानी अर्चना आहे. त्यामुळे शालीन या रिपोर्टमध्ये टॉप ५ मध्ये नाही आहे. याआधीच्या आठवड्यातही तो आणि सुंबूल टॉप ५ मध्ये नव्हते. आता सुंबूल बाहेर गेल्यानंतर शालीनवर एलिमिनेशनचं सावट आहे.