शिव ठाकरे नव्हे त्याचा मित्र होणार बिग बॉसचा विजेता? टॉप ५ मध्ये ठरला अव्वल

याआधी २१ जानेवारी ते २७ जानेवारीपर्यंत बिग बॉस १६ मध्ये कोण टॉप ५ आहे, याची यादी ऑरमॅक्सने जाहीर केलेली. ज्यानुसार प्रियंका पहिल्या स्थानी, दुसऱ्या क्रमांकावर एमसी स्टॅन, त्यानंतर शिव तिसऱ्या स्थानी, चौथ्या आणि पाचव्या स्थानी अर्चना गौतम आणि टीना दत्ता होते. टीना घराबाहेर गेली असून, या आठवड्यात सुंबूलही बाहेर पडली.

दरम्यान ऑरमॅक्सच्या नव्या यादीनुसार, ज्यामध्ये २८ जानेवारी ते ३ फेब्रुवारी दरम्यान कोण टॉप ५ आहे हे सांगण्यात आले आहे. यानुसार प्रियंकाची जागा घसरली असून, बिग बॉस मंडलीने बाजी मारली.

हे वाचा-कॅन्सरला हरवलं पण मेंदू आणि हृदयासमोर हरली; पंचविशीत अभिनेत्रीला मृत्यूने गाठलं

कोण आहेत टॉप ५ ?

ऑरमॅक्स मीडियाच्या लेटेस्ट रिपोर्टनुसार, टॉप ५ यादीत पहिल्या क्रमांकावर एमसी स्टॅन तर दुसऱ्या जागी प्रियंका आहे. अर्थात प्रियंकाला मागे टाकत स्टॅनने ही जागा मिळवली. शिव ठाकरे याही आठवड्यात तिसऱ्या स्थानी आहे. चौथ्या स्थानी निम्रित असून पाचव्या स्थानी अर्चना आहे. त्यामुळे शालीन या रिपोर्टमध्ये टॉप ५ मध्ये नाही आहे. याआधीच्या आठवड्यातही तो आणि सुंबूल टॉप ५ मध्ये नव्हते. आता सुंबूल बाहेर गेल्यानंतर शालीनवर एलिमिनेशनचं सावट आहे.