पुणे : आमदार मुक्ता टिळक यांच्या निधनाने रिक्त झालेल्या कसब्याच्या पोटनिवडणुकीत भाजप-शिंदे गट आणि महाविकास आघाडीने जोर लावलेला असताना खासदार गिरीश बापट यांनी प्रचारातून माघार घेतली आहे. कसब्याची जागा राखण्यासाठी गिरीश बापट यांचा सर्वशक्तीनिशी प्रचार भाजपसाठी महत्त्वाचा होता. पण आजारपणाच्या कारणास्तव मी घरोघरी जाऊन प्रचार करु शकत नाही, असं पत्रक काढून प्रचारादरम्यान आपला सक्रिय सहभाग नसल्याचं बापटांनी कळवलं आहे.
कसब्यात भाजप विरुद्ध काँग्रेस अशी थेट लढत होते आहे. बापट यांचे विश्वासू नगरसेवक हेमंत रासने विरुद्ध काँग्रेसच्या रविंद्र धंगेकर यांच्यापैकी कसब्यावर कोण अधिराज्य गाजवणार? याकडे सगळ्या महाराष्ट्राच्या लक्ष लागलंय. पण तत्पूर्वी कसब्याची जागा राखण्यासाठी भाजपला किंगमेकर बापटांची गरज होती, त्याच बापटांनी ऐन प्रचारातून माघार घेतल्याने भाजपला मोठा धक्का बसलाय.
कसब्यात भाजप विरुद्ध काँग्रेस अशी थेट लढत होते आहे. बापट यांचे विश्वासू नगरसेवक हेमंत रासने विरुद्ध काँग्रेसच्या रविंद्र धंगेकर यांच्यापैकी कसब्यावर कोण अधिराज्य गाजवणार? याकडे सगळ्या महाराष्ट्राच्या लक्ष लागलंय. पण तत्पूर्वी कसब्याची जागा राखण्यासाठी भाजपला किंगमेकर बापटांची गरज होती, त्याच बापटांनी ऐन प्रचारातून माघार घेतल्याने भाजपला मोठा धक्का बसलाय.
कसबा विधानसभा मतदारसंघाची पोटनिवडणूक २६ फेब्रुवारी २०२३ रोजी जाहीर झाली आहे. गेले ३ महिने प्रकृती अस्वास्थ्यामुळे खूप कमी काम केले असून तरी सुद्धा मला आठवड्यातून दोन ते तीन वेळा डायलिसिस करावा लागत आहे. त्यामुळे सध्या डॉक्टरांनी बाहेर न फिरण्याचा सल्ला दिला आहे. आजारपणाच्या कारणास्तव सदर पोटनिवणुकीसाठी मी वैयक्तिकरित्या मतदारसंघात फिरून प्रचार करू शकणार नाही, असं सांगून गिरीश बापटांनी प्रचारातून माघार घेतली आहे.
मी इथे बसलोय, कार्यकर्त्यांचे नेटवर्क आहे. कसबा आणि चिंचवड या दोन्ही ठिकाणी भाजपचा विजय होईल, असा विश्वास व्यक्त करत विजयाची ग्वाही गिरीश बापट यांनी मुख्यमंत्र्यांच्या भेटीत दिली होती. मात्र आठवड्याभरातच गिरीश बापटांच्या प्रचारातून माघारीने भाजपला कमी-अधिक प्रमाणात नुकसान सहन करावं लागू शकतं, असा अंदाज राजकीय जाणकार व्यक्त करतायेत.