दोन दिवसांपूर्वी मुख्यमंत्र्यांना शब्द पण आता प्रचारातून माघार, कसब्याचा वाघ ‘घायाळ’!

कसबा विधानसभा मतदारसंघाची पोटनिवडणूक २६ फेब्रुवारी २०२३ रोजी जाहीर झाली आहे. गेले ३ महिने प्रकृती अस्वास्थ्यामुळे खूप कमी काम केले असून तरी सुद्धा मला आठवड्यातून दोन ते तीन वेळा डायलिसिस करावा लागत आहे. त्यामुळे सध्या डॉक्टरांनी बाहेर न फिरण्याचा सल्ला दिला आहे. आजारपणाच्या कारणास्तव सदर पोटनिवणुकीसाठी मी वैयक्तिकरित्या मतदारसंघात फिरून प्रचार करू शकणार नाही, असं सांगून गिरीश बापटांनी प्रचारातून माघार घेतली आहे.

मी इथे बसलोय, कार्यकर्त्यांचे नेटवर्क आहे. कसबा आणि चिंचवड या दोन्ही ठिकाणी भाजपचा विजय होईल, असा विश्वास व्यक्त करत विजयाची ग्वाही गिरीश बापट यांनी मुख्यमंत्र्यांच्या भेटीत दिली होती. मात्र आठवड्याभरातच गिरीश बापटांच्या प्रचारातून माघारीने भाजपला कमी-अधिक प्रमाणात नुकसान सहन करावं लागू शकतं, असा अंदाज राजकीय जाणकार व्यक्त करतायेत.