नवी दिल्ली :Twitter Blue Subscription : ट्विटरनं ट्विटर ब्लू सब्सक्रिप्शन ही सुविधा आणल्यामुळे आता सर्वांनाच ब्लू टिकसाठी पैसे द्यावे लागणार आहेत. नुकतीच ही सुविधा भारतासह सर्वत्र लागू झाल्यानं कितीतरी महत्त्वाच्या व्यक्तींच्या ट्विटरवरुन ब्लू टिक गायब झाली आहे. पण असं असतानाही काही असे सेलिब्रिटी आहेत, ज्यांनी सब्सक्रिप्शन न घेताही त्यांची ब्लू टिक काढली गेलेली नाही. एलन मस्क स्वत: त्यांच्या सब्सक्रिप्शचे पैसे देत असल्याचं समोर आलं आहे. तर हे लोक नेमके कोण आहेत आणि मस्क यांनी असं करण्यामागे काय कारण असू शकतं? ते जाणून घेऊ…तर ट्विटरवर अशणारे लेब्रॉन जेम्स, विल्यियम शॅटनर आणि स्टीफन किंग यांच्या अकाउंटवरुन ब्लू टिक हटवली गेलेली नाही. यांच्या सब्सक्रिप्शनसाठी स्वत: मस्क यांनी पेमेंट केलं आहे तर लेब्रॉन जेम्स अमेरिकन बास्केटबॉल प्लेअर आहे. त्याने हा ब्लू टिकचा नियम आला तेव्हा याविरोधात बोलत सब्सक्रिप्शन घेणार नाही असं म्हटलं होतं. तसंच कॅनेडियन अभिनेता विल्यियम शॅटनर याच्यासह प्रसिद्ध लेखक स्टीफन किंग यांनीही याविरोधात वक्तव्य केलं होतं.दरम्यान असं असतानाही या व्यक्तींच्या ब्लू टिकचे पैसे स्वत: मस्क भरत असण्यामागील नेमकं कारण कळालेलं नाही. पण मस्क यांचा मिश्किल स्वभाव यामागील कारण नक्कीच असू शकतो.
ट्विटर ब्लूचे फायदे काय? किंमत किती?
ट्विटर ब्लूचं सब्सक्रिप्शन घेणाऱ्या यूजर्सना इतरांपेक्षा जास्त फीचर्स मिळणार आहेत. कंपनीच्या म्हणण्यानुसार, सबस्क्रिप्शन घेणार्‍या यूजर्सला एडिट ट्विट बटण, 1080p व्हिडिओ अपलोड, रीडर मोड आणि ब्लू टिकची सुविधा मिळेल. ही सेवा घेणारे युजर्स 4000 कॅरेक्टरपर्यंत ट्विट पोस्ट करू शकतील. जर भारतातील ब्यू टिक सब्सक्रिप्शनचा विचार केल्यास iOS साठी ट्विटरच्या सब्सक्रिप्शनची किंमत दरमहा ९०० रुपये आणि वार्षिक ९४०० रुपये असेल. अॅन्ड्रॉईड युजर्ससाठीची किंमत देखील हीच आहे.
वाचाःPhone Hacked: ‘या’ पाच गोष्टी होत असतील तर समजा हॅक झालाय तुमचा फोन, होऊ शकतो मोठा तोटा